സംസ്ഥാന തെരഞ്ഞെടുപ്പ് കമ്മിഷണർ നിയമനം: പി.എം. നിയാസിനെതിരെ കെ.സി. അബു;

State Election Commissioner Appointed: PM K.C. Abu against Nias; “This is an unnecessary controversy”

സംസ്ഥാന തെരഞ്ഞെടുപ്പ് കമ്മിഷണറായി എൻ. ശേഷാദ്രിനാഥനെ നിയമിച്ചതുമായി ബന്ധപ്പെട്ട് കെ.പി.സി.സി ജനറൽ സെക്രട്ടറി പി.എം. നിയാസ് ഉയർത്തിയ വിമർശനത്തിനെതിരെ മുൻ ഡി.സി.സി അധ്യക്ഷൻ കെ.സി. അബു രംഗത്തെത്തി. ഉന്നത പദവികളിലെ നിയമനങ്ങളെ ചൊല്ലി അനാവശ്യ വിവാദങ്ങൾ സൃഷ്ടിക്കേണ്ട സാഹചര്യമല്ല നിലവിലുള്ളതെന്നും അദ്ദേഹം അഭിപ്രായപ്പെട്ടു.

സംസ്ഥാന തെരഞ്ഞെടുപ്പ് കമ്മിഷണറായി എൻ. ശേഷാദ്രിനാഥനെ നിയമിച്ചതിനെ ചൊല്ലി പി.എം. നിയാസ് നടത്തിയ വിമർശനം അനാവശ്യ വിവാദമാണെന്ന് മുൻ ഡി.സി.സി അധ്യക്ഷൻ കെ.സി. അബു പറഞ്ഞു.

ഉന്നത പദവികളിലേക്കുള്ള നിയമനങ്ങൾ നടത്തുമ്പോൾ മുൻകാലങ്ങളിലും കെ.പി.സി.സി നേതൃത്വവുമായി പ്രത്യേകമായി ചർച്ച നടത്തിയിരുന്നില്ലെന്നും, മുഖ്യമന്ത്രിയെ കാണുന്നതോ തിരുവനന്തപുരത്ത് പോകുന്നതോ വാർത്തയാക്കുന്നത് ശരിയല്ലെന്നും അദ്ദേഹം ചൂണ്ടിക്കാട്ടി.

വി.ഡി. സതീശന്റെ നേതൃത്വത്തിലുള്ള പ്രതിപക്ഷത്തിന്റെ പ്രവർത്തനവും സർക്കാരിന്റെ തുടക്കവും നല്ല രീതിയിലാണെന്നും, ഈ ഘട്ടത്തിൽ അനാവശ്യ വിവാദങ്ങൾ ഉയർത്തുന്നത് കോൺഗ്രസിന് ഗുണകരമല്ലെന്നും കെ.സി. അബു അഭിപ്രായപ്പെട്ടു.

പി.എം. നിയാസിന്റെ പ്രതികരണം വ്യക്തിപരമായ അസ്വസ്ഥതയുടെ പ്രതിഫലനമാണെന്നും, തന്നെക്കാൾ പിന്നീട് വന്നവർ എം.എൽ.എമാരായതിലുള്ള മാനസിക ബുദ്ധിമുട്ടിന്റെ പശ്ചാത്തലത്തിലാണ് ഇത്തരം പ്രസ്താവനകളെന്നും അദ്ദേഹം വിമർശിച്ചു.

ചാലപ്പുറം ഡിവിഷനിൽ ബി.ജെ.പി വിജയിച്ചതിന് പി.എം. നിയാസ് മത്സരിക്കാതിരുന്നതും ഒരു കാരണമാണെന്ന് ആരോപിച്ച കെ.സി. അബു, നിയാസ് മത്സരിച്ചിരുന്നെങ്കിൽ റിബൽ സ്ഥാനാർഥി രംഗത്തിറങ്ങുമായിരുന്നില്ലെന്നും പറഞ്ഞു. കോഴിക്കോട് മേയറുടെ വാഹനത്തിൽ സഞ്ചരിക്കാനുള്ള അവസരവും നിയാസ് നഷ്ടപ്പെടുത്തിയെന്നും അദ്ദേഹം പരാമർശിച്ചു.

പത്ത് വർഷത്തിന് ശേഷം അധികാരത്തിലെത്തിയ സാഹചര്യത്തിൽ കോൺഗ്രസ് അനാവശ്യ വിവാദങ്ങളിൽ ഏർപ്പെടാതെ ജനങ്ങളുടെ പ്രതീക്ഷകൾ നിറവേറ്റുന്നതിലാണ് ശ്രദ്ധ കേന്ദ്രീകരിക്കേണ്ടതെന്നും കെ.സി. അബു കൂട്ടിച്ചേർത്തു.