Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
08 Nov 2024 16:06 IST
Share News :
നെടുമ്പാശേരി: നെടുമ്പാശേരി വിമാനത്താവള പരിസരത്തെ ഹോട്ടലിൽ മുറിയെടുത്ത് ലഹരി പദാർത്ഥങ്ങൾ വിൽപ്പന നടത്തുന്ന യുവതിയടക്കം രണ്ട് പേർ എക്സൈസ് സ്പെഷ്യൽ സ്ക്വാഡിന്റെ പിടിയിലായി. കുന്നുകര വയൽക്കര തൂമ്പാരത്ത് വീട്ടിൽ ഷാരൂഖ് സലീം (27), പാലക്കാട് മണ്ണാർക്കാട് കള്ളമല ചിന്നപ്പറ വാച്ചാപ്പിള്ളി വീട്ടിൽ സോണാ പോൾ (25) എന്നിവരാണ് പിടിയിലായത്.
ഇവരിൽ നിന്നും 4.62 ഗ്രാം എം.ഡി.എം.എയും രണ്ട് ഗ്രാം കഞ്ചാവും കണ്ടെടുത്തു. വിൽപ്പന നടത്തി അവശേഷിച്ച ലഹരികൾ മാത്രമാണ് എക്സൈസിന് കണ്ടെത്താൻ കഴിഞ്ഞത്. രഹസ്യ വിവരത്തെ തുടർന്ന് തുരുത്തുശേരി ഭാഗത്തെ ഹോട്ടലിൽ നിന്നും സ്ക്വാഡ് സി.ഐ പ്രമോദിന്റെ നേതൃത്വത്തിലാണ് പ്രതികളെ പിടികൂടിയത്. വിമാനത്താവള പരിസരത്തെ വിവിധ ഹോട്ടലുകളിൽ മാറി താമസിച്ചാണ് പ്രതികൾ ലഹരി കച്ചവടം നടത്തിയിരുന്നത്. ഇടപ്പള്ളിയിലെ ഒരു മസാജിംഗ് സെന്ററിലെ ജീവനക്കാരിയായിരുന്ന യുവതിയെ ഇവിടെ വച്ചാണ് ഷാരൂഖ് പരിചയപ്പെട്ടതെന്ന് എക്സൈസ് സംഘം പറഞ്ഞു. പ്രതികളെ ആലുവ കോടതി റിമാൻഡ് ചെയ്തു.
Follow us on :
More in Related News
Please select your location.
