Town Team Winter Cup: Muscat Hammers FC win

മസ്‌ക്കറ്റ്: ഒമാനിലെ പ്രമുഖ ഫുട്ബോൾ ക്ലബായ ടൌൺ ടീം മസ്‌ക്കറ്റ് സംഘടിപ്പിച്ച ടൌൺ ടീം വിന്റർ കപ്പ്‌ ഫുട്ബോൾ ടൂർണമെന്റ് ൽ മസ്‌ക്കറ്റ് ഹാമ്മേഴ്‌സ് എഫ്‌സി ജേതാക്കളായി.

കെഎംഫ് അസോസിയേഷന്റെ നിയമാവലികൾ പാലിച്ചു കൊണ്ട്, 2025ൽ നടന്ന ഒമാനിലെ ആദ്യ ടൂർണമെന്റിലാണ് മസ്‌ക്കറ്റ് ഹാമ്മേഴ്‌സ് ജേതാകളായത്. ഫൈനലിൽ ടോപ് ടെൻ ബർകയെ എകപക്ഷീയമായ ഒരു ഗോളിന് പരാജയപ്പെടുത്തിയാണ് മസ്‌ക്കറ്റ് ഹാമ്മേഴ്‌സ് എഫ്‌സി വിജയ കിരീടം നേടിയത്.

നെസ്റ്റോ എഫ് സി മൂന്നും, നേതാജി എഫ് സി നാലാം സ്ഥാനവും കരസ്ഥമാക്കി. ടൂർണമെന്റ് ഫൈനലിലെ മികച്ച കളിക്കാരൻ മസ്‌ക്കറ്റ് ഹാമ്മേഴ്‌സിലെ സാലി, ടൂർണമെന്റിലെ ടോപ്പ്‌ സ്കോററും, മികച്ച കളിക്കാരനും ടോപ് ടെൻ ബർക്ക യുടെ വിഷ്ണു, മികച്ച ഡിഫന്ററായി ഷഹ്‌മദ്‌ അലി, ടൂർണമെന്റിലെ മികച്ച കീപ്പറായി അച്ചു (ഇരുവരും മസ്‌ക്കത്ത് ഹാമേഴ്‌സ്), എന്നിവരെ തിരഞ്ഞെടുത്തു.

ഒമാനിലെ പ്രമുഖ 13 ടീമുകളെ പങ്കെടുപ്പിച്ച് മബേലയിലെ അൽ ഷാദി ടർഫിൽ നടന്ന മത്സരം വീക്ഷിക്കാൻ നിരവധി ആളുകൾ എത്തിച്ചേർന്നിരുന്നു. കുട്ടികൾക്കും സ്ത്രീകൾക്കുമായി നിരവധി പരിപാടികളും സംഘാടകർ സംഘടിപ്പിച്ചിരുന്നു.

10 വയസ്സിൽ താഴെയുള്ള കുട്ടികൾക്കായി നടത്തിയ ടൂർണമെന്റിന്റെ ഫൈനൽ മത്സരത്തിൽ പ്രോസോൺ സ്പോർട്സ് അക്കാദമി ഏകപക്ഷീയമായ ഒരു ഗോളിന് യൂണിറ്റി അക്കാദമി യെ പരാചയപ്പെടുത്തി.

വിജയികൾക്ക് ട്രോഫിയും, ക്യാഷ് പ്രൈസും കൂടാതെ നിരവധി സമ്മാനങ്ങളും നൽകി. അൽ അഫാഖ് യുണൈറ്റഡ് - ഇ കെയറിന്റെ മാനേജിങ് ഡയറക്ടർ ഇസ്മയിൽ, അൻഫാൽ ഇൻഡസ്ട്രിസ് പ്രതിനിധി സജീബ് ബഷീർ, പ്രോസോൺ അക്കാദമി പ്രതിനിധി എന്നിവർ വിജയിക്കുള്ള സമ്മാനങ്ങൾ വിതരണം ചെയ്തു.

വരും വർഷങ്ങളിൽ ഇതിലും വ്യത്യസ്തമായ പരിപാടികളുമായി ടൌൺ ടീം വിന്റർ കപ്പ്‌ സംഘടിപ്പിക്കുമെന്ന് സംഘാടകർ അറിയിച്ചു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf & https://www.facebook.com/MalayalamVarthakalNews?mibextid=kFxxJD

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

⭕⭕⭕⭕⭕⭕⭕⭕⭕

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕

Tags:

Town Team Winter Cup