തലയോലപ്പറമ്പിൽ നിയന്ത്രണം വിട്ട പാസഞ്ചർ ഓട്ടോ പാടത്തേക്ക് മറിഞ്ഞ് ഡ്രൈവർ ഉൾപ്പടെ മൂന്ന് പേർക്ക് പരിക്ക്.

07 Nov 2025 19:25 IST

Share News :

Three persons, including the driver, were injured when a passenger, who lost control of his head, fell into the auto field.

തലയോലപ്പറമ്പ്: നിയന്ത്രണം വിട്ട പാസഞ്ചർ ഓട്ടോ പാടത്തേക്ക് മറിഞ്ഞ് ഡ്രൈവർ ഉൾപ്പടെ മൂന്ന് പേർക്ക് പരിക്ക്. ഓട്ടോ ഡ്രൈവർ കരിപ്പാടം പാറയ്ക്കൽ തൊഴുത്തുങ്കൽ വീട്ടിൽ രാമചന്ദ്രൻ നായർ (60), യാത്രികരായ തലയോലപ്പറമ്പ് കോരിക്കൽ നഗറിൽ ഷീബ സാനു (37), നീതു അഭിലാഷ് (35) എന്നിവർക്കാണ് പരിക്കേറ്റത്. വെള്ളിയാഴ്ച വൈകിട്ട് 4 മണിയോടെ തലയോലപ്പറമ്പ്-എഴുമാന്തുരുത്ത് പ്രധാന റോഡിൽ കോരിക്കൽ പാലത്തിന് സമീപമാണ് അപകടം. കാറ്ററിംഗ് ജോലി കഴിഞ്ഞ് യാത്രക്കാരായ ഇരുവരും കോരിക്കലുള്ള വീട്ടിലേക്ക് ഓട്ടോറിക്ഷയിൽ പോകുകയായിരുന്നു. റോഡിൽ കന്ന് കാലി എതിരെ വരുന്നത് കണ്ട് ഓട്ടോറിക്ഷ സൈഡിലേക്ക് വെട്ടിച്ച് മാറ്റി പോകുന്നതിനിടെ നിയന്ത്രണം വിട്ട് റോഡിൽ നിന്നും ചെളിയും വെള്ളവും നിറഞ്ഞ പാടത്തേക്ക് തലകീഴായി മറിയുകയായിരുന്നു. ശബ്ദം കേട്ട് സമീപവാസികൾ ഓടിയെത്തിയാണ് ഓട്ടേയ്ക്കുള്ളിൽ കുടുങ്ങിക്കിടന്ന മൂവരെയും രക്ഷപ്പെടുത്തി കരക്കെത്തിച്ചത്. സാരമായി പരിക്കേറ്റ ഓട്ടോ ഡ്രൈവർ രാമചന്ദ്രനെയും യാത്രക്കാരി ഷീബയെയും ആംബുലൻസിൽ തലയോലപ്പറമ്പ് സാമൂഹികാരോഗ്യ കേന്ദ്രത്തിൽ പ്രാഥമിക ശുശ്രൂഷ നൽകിയ ശേഷം വിദഗ്ധ ചികിത്സക്കായി മുട്ടുചിറയിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു. യാത്രക്കാരി നീതുവിന് നിസ്സാര പരിക്കായതിനാൽ പ്രാഥമിക ചികിത്സയ്ക്ക് ശേഷം വീട്ടിലേക്ക് മടങ്ങി.