There is a fight between the Kerala Congress in two wards and one block division at Thayolaparambu.

തലയോലപ്പറമ്പ്: തദ്ദേശ തിരഞ്ഞെടുപ്പിൽ തലയോലപ്പറമ്പ് ഗ്രാമപഞ്ചായത്തിലെ രണ്ട് വാർഡുകളിലും കടുത്തുരുത്തി ബ്ലോക്ക് പഞ്ചായത്തിലെ പൊതി ഡിവിഷനിലും കേരളാ കോൺഗ്രസുകൾ തമ്മിലാണ് പ്രധാന പോരാട്ടം. ഗ്രാമ പഞ്ചായത്ത് 6,10 വാർഡുകളിലും പൊതി ബ്ലോക്ക് പഞ്ചായത്ത് ഡിവിഷനിലുമാണ് കേരളാ കോൺഗ്രസ് വിഭാഗങ്ങൾ തമ്മിൽ ഏറ്റുമുട്ടുന്നത്. മുൻ ഗ്രാമ പഞ്ചായത്ത് അംഗം മോളികുര്യനാണ് വാർഡ് 6 - ൽ എൽ ഡി എഫ് മുന്നണിയിൽ നിന്നും കേരളാ കോൺഗ്രസ്. എം സ്ഥാനാർഥിയായി മത്സരിക്കുന്നത്. ഇവിടെ യുഡിഎഫ് മുന്നണിക്കായി പുതുമുഖമായ കേരളാ കോൺഗ്രസ് ജോസഫ് വിഭാഗത്തിലെ ഡെൽമി തോമസ്സാണ് രംഗത്തുള്ളത്. രണ്ട് സ്ഥാനാർഥികൾ മാത്രമുളള 6-ാം വാർഡിൽ കേരളാ കോൺഗ്രസ്റ്റുകൾ തമ്മിലുള്ള നേരിട്ടുള്ള മത്സരമാണ് നടക്കുന്നത്. പത്താം വാർഡിൽ കേരളാ കോൺഗ്രസ് മാണി വിഭാഗത്തിൻ്റെ മണ്ഡലം ഭാരവാഹിയും കെ ടി യു സി എം ജില്ലാ കമ്മറ്റി അംഗവുമായ ജോസ് മുകളയിലാണ് എൽ ഡി എഫ് മുന്നണി സ്ഥാനാർഥിയായി മത്സരിക്കുന്നത്. ജോസഫ് വിഭാഗത്തിലെ സോഫി ജോസഫാണ് ഇവിടെ യുഡിഎഫ് സ്ഥാനാർഥി. മുൻപ് ഒൻപതാം വാർഡ് ആയിരുന്നപ്പോൾ അന്ന് മാണി വിഭാഗത്തിൻ്റെ മണ്ഡലം ഓഫീസ് ചാർജ് സെക്രട്ടറി കൂടിയായിരുന്ന സോഫി ജോസഫ് ഇവിടെ നിന്നും വിജയിച്ചിട്ടുണ്ട്. കഴിഞ്ഞ തവണ കേരളാ കോൺഗ്രസ് മാണി വിഭാഗത്തിലെ ഷിജി വിൻസൻ്റാണ് വനിതാ സംവരണ മണ്ഡലമായ ഇവിടെ നിന്നും വിജയിച്ചത്.

എൻ ഡി എ സ്ഥാനാർഥിയായി കർഷകമോർച്ച നേതാവ് കെ.എൻ വാസനും മത്സര രംഗത്ത് സജീവമാണ്. നിലവിലെ ഗ്രാമ പഞ്ചായത്ത് പ്രസിഡൻ്റുകൂടിയായ ഷിജി വിൻസൻ്റ് ഇത്തവണ വനിതാ സംവരണ മണ്ഡലമായ 11-ാം വാർഡിലാണ് മത്സരിക്കുന്നത്. കോൺഗ്രസിലെ മിനി ബെന്നിയാണ് ഇവിടെ യുഡിഎഫ് സ്ഥാനാർഥി. കടുത്തുരുത്തി ബ്ലോക്ക് പഞ്ചായത്ത് പട്ടികജാതി സംവരണ മണ്ഡലമായ പൊതി ഡിവിഷനിൽ കേരള കോൺഗ്രസ് മാണി വിഭാഗത്തിലെ പ്രസാദ് പത്തിയിലാണ് എൽഡിഎഫ് സ്ഥാനാർഥി. കഴിഞ്ഞ തവണ കേരളാ കോൺഗ്രസ് മാണി വിഭാഗത്തിൽ നിന്നും മത്സരിച്ച് ജയിച്ച പഞ്ചായത്ത് അംഗമായ കെ.പി ഷാനോയാണ് ഇവിടെ യു ഡി എഫ് മുന്നണിക്കായി കേരള കോൺഗ്രസ് ജോസഫ് വിഭാഗം സ്ഥാനാർഥിയായി മത്സര രംഗത്ത് ഉള്ളത്. എൻ ഡി എ സ്ഥാനർഥിയായി സുമേഷും മത്സര രംഗത്തുണ്ട്. മൂന്നിടങ്ങളിലും കേരളാ കോൺഗ്രസ് വിഭാഗങ്ങൾ തമ്മിലാണ് ശക്തമായ പോരാട്ടം നടക്കുന്നത്.

Tags:

തലയോലപ്പറമ്പിൽ രണ്ട് വാർഡുകളിലും ഒരു ബ്ലോക്ക് ഡിവിഷനിലും കേരളാ കോൺഗ്രസുകൾ തമ്മിൽ തീപാറും പോരാട്ടം.

More in Related News