Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
17 Oct 2025 23:42 IST
Share News :
വൈക്കം: എംഡിഎംഎയും ഹാഷിഷ് ഓയിലുമായി പിടിയിലായ യുവതിയെയും സുഹൃത്തുക്കളെയും റിമാൻ്റ് ചെയ്തു. കർണാടക സ്വദേശികളും തമിഴ്നാട് ഇടയൻ ചാവടി യൂണിവേഴ്സൽ ഫാം ഹൗസിൽ താമസക്കാരുമായ നിർമ്മൽ സെബാസ്റ്റ്യൻ (34), അജയ ശരൺ വേലപ്പാ (29), ഹോസാന വിശ്വ രാജ് (30) എന്നിവരെയാണ് വെള്ളിയാഴ്ച കോടതി റിമൻ്റ് ചെയ്തത്. 3.93 ഗ്രാം ഹാഷിഷ് ഓയിലും 1.70 ഗ്രാം എംഡിഎംഎയുമായി ഇന്നലെ ഉച്ചയ്ക്ക് വൈക്കത്ത് പോലീസ് ഡാൻസാഫ് ടീം നടത്തിയ പരിശോധനയിലാണ് ഇവർ പിടിയിലായത്. ബാംഗ്ലൂരിൽ ജനിച്ചു വളർന്ന ഹോസാന വൈക്കം ടി വി പുരത്തുള്ള പിതാവിന്റെ വീട്ടിൽ സുഹൃത്തുക്കളുമായി ബുധനാഴ്ച എത്തിയതായിരുന്നു. ഇന്നലെ ഉച്ചയോടെ വൈക്കത്തെത്തിയ ഇവർ വൈക്കം കെ എസ് ആർടിസി സ്റ്റാൻ്റിന് സമീപത്തുള്ള വസ്ത്രാലയത്തിൽ കയറി വസ്ത്രങ്ങൾ വാങ്ങിയശേഷം കർണ്ണാടക രജിസ്ട്രേഷനിലുള്ള സ്കോഡ കാറിൽ എറണാകുളത്തേക്ക് മടങ്ങിപ്പോകുന്നതിനിടെ സംശയം തോന്നി പോലീസ് ഡാൻസാഫ് ടീം നടത്തിയ പരിശോധനയിലാണ് ഗുളിക രൂപത്തിലുള്ള എം ഡി എം എ യും ഹാഷിഷ് ഓയിലും കാറിൻ്റെ ഡിക്കിയിൽ നിന്ന് കണ്ടെടുത്തത്. മൂവരും തമിഴ്നാട്ടിൽ വെബ് ഡിസൈനേഴ്സായി ജോലി ചെയ്ത് വരികയായിരുന്നു.
Follow us on :
Tags:
More in Related News
Please select your location.
