നെല്ലായി മഹാമുനിമംഗലം ശ്രീ മഹാവിഷ്ണു ക്ഷേത്രത്തിലെ ഉല്‍സവം ഞായറാഴ്ച മുതല്‍

08 Feb 2025 21:32 IST

Share News :

The festival of Nellai Mahamunimangalam Sree Mahavishnu Temple starts Sunday

കൊടകര: നെല്ലായി മഹാമുനിമംഗലം ശ്രീ മഹാവിഷ്ണു ക്ഷേത്രത്തിലെ തിരുവുത്സവം ഈ മാസം ഒമ്പതുമുതല്‍ 15 വരെ വിവിധ ചടങ്ങുകളോടെ ആഘോഷിക്കുമെന്ന് ഭാരവാഹികള്‍ വാര്‍ത്തസമ്മേളനത്തില്‍ അറിയിച്ചു. ഒമ്പതിന് വൈകുന്നേരം ശുദ്ധികലശം, സുനില്‍ നെല്ലായിയുടെ നേതൃത്വത്തില്‍ നൃത്ത നൃത്ത്യങ്ങള്‍, 10ന് രാവിലെ യോഗീശ്വര പൂജ, വൈകുന്നേരം 7.15ന് കൊടിയേറ്റം, ക്ഷേത്രം വനിത സമിതിയുടെ തിരുവാതിരക്കളി, പഞ്ചമി വിനോദ് അവതരിപ്പിക്കുന്ന നൃത്ത സന്ധ്യ , 11ന് രാവിലെ ഉത്സവബലി, വൈകുന്നേരം ഏഴിന് വൈലൂര്‍ പത്മിനിയും സംഘവും അവതരിപ്പിക്കുന്ന സംഗീതാര്‍ച്ചന, ആനന്ദപുരം എന്‍.എസ്.എസ് വനിത സമാജം ,രാപ്പാള്‍ ശ്രീകൃഷ്ണപുരം തിരുവാതിരക്കളി സംഘം എന്നിവരുടെ തിരുവാതിരക്കളി,

12ന് വൈകുന്നേരം 6 .45 ന് നന്തിക്കര ജയശ്രീയും സംഘവും അവതരിപ്പിക്കുന്ന സംഗീതസന്ധ്യ, കൊളത്തൂര്‍ വിഷ്ണുമായ, വയലൂര്‍ ടീം എന്നിവരുടെ തിരുവാതിരക്കളി, 13ന് 6.45ന് എന്‍. ഡി. വിജയകുമാരിയുടെ വീണക്കച്ചേരി തുടര്‍ന്ന് മാടായിക്കോണം ഗീതാഞ്ജലി ഭജന്‍സ് അവതരിപ്പിക്കുന്ന ഭജന്‍ സന്ധ്യ, പള്ളിവേട്ട ദിവസമായ 14ന് രാവിലെ ഒമ്പതിന് പഞ്ചാരിമേളം, വൈകുന്നേരം ആറിന് ദീപക്കാഴ്ച ,ഏഴിന് കുമാരി സംവേദ ചാലക്കുടിയുടെ തായമ്പക, രാത്രി 8.45ന് പള്ളിവേട്ട എഴുന്നള്ളിപ്പ്, കലാമണ്ഡലം മോഹനനും സംഘവും അവതരിപ്പിക്കു്ന്ന പഞ്ചവാദ്യം, രാത്രി 11:30ന് പാണ്ടിമേളം. 15ന് രാവിലെ 9.30ന് നെല്ലായി മഹാമുനിമംഗലം ശ്രീ മഹാവിഷ്ണുക്ഷേത്ര കടവിലെ ആറാട്ട്, കൊടിക്കല്‍ പറ, കൊടിയിറക്കം, ആറാട്ട് ബലി, അന്നദാനം എന്നിവയാണ് പരിപാടികള്‍. വാര്‍ത്തസമ്മേളനത്തില്‍ ക്ഷേത്രസമിതി പ്രസിഡന്റ് എം.വി പ്രസാദ്, സെക്രട്ടറി എന്‍.എസ് കൃഷ്ണന്‍, കണ്‍വീനര്‍ എന്‍.എസ് മഹേശ്വരന്‍, ജോ.സെക്രട്ടറി രാമദാസ് വയലൂര്‍ എന്നിവര്‍ പങ്കെടുത്തു.