Doctor Couple Miserable Trip To Kuwait Airways; Judged To Pay Compensation Of Rs 10 Lakhs

മലപ്പുറം : ഡോക്ടർ ദമ്പതികൾക്ക്

കുവൈത്ത് എയർവേയ്‌സില്‍ നേരിട്ട ദുരിത യാത്രക്ക് പകരമായി ജില്ലാ ഉപഭോക്തൃ കമ്മീഷൻ 10 ലക്ഷം രൂപ നഷ്ടപരിഹാരം വിധിച്ചു. വളാഞ്ചേരി സ്വദേശികളായ ഡോ. എൻ.എം മുജീബ് റഹ്‌മാൻ, ഡോ. സി.എം ഷക്കീല എന്നിവർ നല്‍കിയ പരാതിയിലാണ് നടപടി. 2023 നവംബർ 30നും ഡിസംബർ പത്തിനുമാണ് പരാതിക്കിടയാക്കിയ സംഭവം.

2023 നവംബർ 30ന് കൊച്ചിയില്‍ നിന്നും കുവൈത്ത് വഴി സ്പെയിനിലെ ബാഴ്‌സലോണയിലേക്കും ഡിസംബർ പത്തിന് സ്പെയിനിലെ മാഡ്രിഡില്‍ നിന്നും തിരിച്ചും യാത്ര ചെയ്യാൻ കുവൈത്ത് എയർവേയ്സില്‍ ബിസിനസ് ക്ലാസില്‍ ഇവർ ടിക്കറ്റ് ബുക്ക് ചെയ്തിരുന്നു. മാഡ്രിഡില്‍ നിന്നും ഫ്ലൈറ്റില്‍ കയറിയ ശേഷമാണ് വിമാനം കുവൈത്ത് വഴിയല്ല, ഖത്തറിലെ ദോഹ വഴിയാണ് പോകുന്നതെന്ന് പരാതിക്കാരെ അറിയിച്ചത്. ദോഹയില്‍ ഇറക്കിയ പരാതിക്കാർക്ക് ബിസിനസ്സ് ക്ലാസ് ടിക്കറ്റില്‍ യാത്രക്കാർക്ക് നല്‍കുന്ന വിശ്രമ സൗകര്യമോ ഭക്ഷണമോ നല്‍കിയില്ല.

സ്വന്തം ചെലവില്‍ ഭക്ഷണം വാങ്ങി കഴിക്കേണ്ടിവന്നു. തുടർ യാത്രക്ക് ബോർഡിംഗ് പാസ്സ് ലഭിച്ചതിനാല്‍ വിമാനത്തില്‍ കയറിയെങ്കിലും അവിടെ നിന്നും ഇറക്കിവിട്ടു. നേരത്തെ ബുക്ക് ചെയ്തതില്‍ നിന്നും വ്യത്യസ്തമായി 24 മണിക്കൂർ വൈകിയാണ് പരാതിക്കാർക്ക് നാട്ടില്‍ എത്താനായത്. തുടർന്നാണ് ഇവർ വിമാനകമ്പനിയുടെ സേവനത്തിലെ വീഴ്ചക്കെതിരെ ഉപഭോക്തൃ കമ്മീഷനില്‍ പരാതി നല്‍കിയത്.

കുവൈത്തില്‍ കാലാവസ്ഥ മോശമായതിനാല്‍ പരാതിക്കാരുടെ സുരക്ഷ നോക്കിയാണ് യാത്ര ദോഹ വഴിയാക്കിയതെന്നും ബോർഡിംഗ് പാസ് നല്‍കുമ്പോഴത്തെ ഉപദേശങ്ങള്‍ പാലിക്കാത്തതിനാണ് വിമാനത്തില്‍ നിന്നും ഇറക്കേണ്ടി വന്നതെന്നും സേവനത്തില്‍ വീഴ്ചയില്ലെന്നും വിമാന കമ്പനി വാദിച്ചിരുന്നു.

Tags:

enlightmedia,malayalamnews,kerala,latestnews