The 13-year-old boy left home on a bicycle after his mother quarreled with him for not going to tuition.

വൈക്കം: ട്യൂഷനു പോകാത്തതിന് മാതാവ് വഴക്കിട്ടതിനെ തുടർന്ന് 13 കാരൻ സൈക്കിളിൽ വീടു വിട്ടുപോയി. ബന്ധുക്കളും നാട്ടുകാരും ജനപ്രതിനിധികളും പോലീസും നാലുപാടും പരക്കം പാഞ്ഞ് അന്വേഷിച്ചു. മണിക്കൂറുകൾക്ക് ശേഷം കുട്ടി വീട്ടിൽ തിരിച്ചെത്തിയതോടെ ബന്ധുക്കളുടേയും മറ്റും പിരിമുറുക്കം അകന്നു. വൈക്കം കാരയിൽ സ്വദേശിയും എട്ടാം ക്ലാസ് വിദ്യാർഥിയുമായ കുട്ടിയേയാണ് തിങ്കളാഴ്ച വൈകിട്ട് 6 ഓടെ കാണാതായത്. പിതാവിനൊപ്പം വീടിന് സമീപത്തെ പുരയിടത്തിൽ കുട്ടികൾ കളിക്കുന്നിടത്ത് നിൽക്കുമ്പോഴാണ് കുട്ടി ട്യൂഷന് പോകാത്തതിന് മാതാവ് പിതാവിൻ്റെഫോണിൽ വിളിച്ച് വഴക്കുപറഞ്ഞത്. പരീക്ഷ നടക്കുന്നതിനാൽ ട്യൂഷനു പോകാതിരുന്നത് ശരിയായില്ലെന്ന് മാതാവ് കുട്ടിയോട് പറഞ്ഞു. മാതാവ് ശകാരിച്ചതിൻ്റെ വിഷമത്തിൽ വീട്ടിലിരുന്ന ലേഡി ബേഡ് സൈക്കിളുമായി കുട്ടി പോകുകയായിരുന്നു. സമീപ പ്രദേശത്ത് തിരച്ചിൽ നടത്തിയെങ്കിലും കണ്ടെത്താൻ സാധിക്കാതെ വന്നതോടെ മാതാപിതാക്കൾ പോലീസിൽ പരാതി നൽകി.പോലീസ് പ്രദേശത്തെ സിസിടിവികൾ പരിശോധിച്ചും കായലോര ബീച്ച്, പാർക്കുകൾ, ബസ് സ്റ്റാൻഡുകൾ തുടങ്ങി പല സ്ഥലങ്ങളിലും അന്വേഷിച്ചു വലഞ്ഞു. ബന്ധുക്കളും നാട്ടുകാരും നഗരസഭ കൗൺസിലർ അടക്കമുള്ളവർ ബന്ധുവീടുകളിലടക്കം പലയിടങ്ങളിലും ഇതിനിടെ അന്വേഷിച്ചു പോയി. കാരയിലിനടുത്തുള ശ്രീനാരായണപുരം ഭാഗത്തെ സുഹൃത്തിൻ്റെ വീടിന് സമീപം പോയിരുന്ന 13കാരൻ സങ്കടത്തിന് അയവു വന്നപ്പോൾ തിരികെ സൈക്കിളിൽ വീട്ടിലേക്ക് മടങ്ങിവന്നതോടെയാണ് ഏവർക്കും ആശ്വാസമായത്.

Tags:

ട്യൂഷന് പോകാത്തതിന് മാതാവ് വഴക്കിട്ടതിനെ തുടർന്ന് വൈക്കത്ത് 13 കാരൻ സൈക്കിളിൽ വീടു വിട്ടുപോയി.

More in Related News