The dog jumped across and injured the autorickshaw passenger and driver

പീരുമേട്

നായ കുറുകെ ചാടി ഓട്ടോറിക്ഷ ഡ്രൈവർക്കും

യാത്രക്കാരനും പരുക്കേറ്റു.

ആലപ്പുഴയിൽ നിന്നും വണ്ടിപ്പെരിയാർ വള്ളക്കടവിലേക്ക് വരികയായിരുന്ന ഓട്ടോറിക്ഷയാണ് അപകടത്തിൽപ്പെട്ടത് . ബുധനാഴ്ച രാത്രി 9 നായിരുന്നു അപകടം. ഓട്ടോ

പശുമല ജംഗ്ഷന് സമീപം എത്തിയപ്പോൾ നായ ഓട്ടോയുടെ കുറുകെ ചാടുകയായിരുന്നു തുടർന്ന് നിയന്ത്രണംവിട്ട ഓട്ടോറിക്ഷ റോഡിലേക്ക് മറിഞ്ഞുവീണു. അപകടത്തിൽ ഓട്ടോ ഡ്രൈവർ വള്ളക്കടവ് മൂലക്കയം സ്വദേശി പ്രഭാകരൻ (31) ഓട്ടോറിക്ഷയുടെ അടിയിൽ പെട്ട് ഇടത്തെ കൈ ഒടിഞ്ഞു.വള്ളക്കടവ് അമ്പലപ്പടി സ്വദേശി വേണു (29), ഇയാളുടെ രണ്ട് കുട്ടികൾ എന്നിവരാണ് ഓട്ടോറിക്ഷയിൽ ഉണ്ടായിരുന്ന യാത്രക്കാർ. ഇതിൽ വേണുവിന് ഇടതു കാലിന് പരിക്കേൽക്കുകയും ചെയ്തു. കഴിഞ്ഞാഴ്ച വള്ളക്കടവിൽ വച്ച് തന്നെ നായ കുറുകെ ചാടി വേണുവിന്റെ വലതു കാലിന് പരിക്ക് ഏറ്റിരുന്നു ഇതിനിടെയാണ് ബുധനാഴ്ച ഉണ്ടായ അപകടത്തിൽ ഇടതു കാലിനും പരിക്കേറ്റത് തുടർന്ന് ഇവരെ വണ്ടിപ്പെരിയാർ സഹകരണ ആശുപത്രിയിൽ എത്തിച്ച ചികിത്സ നൽകിയശേഷം ഗുരുതര പരുക്കേറ്റ ഓട്ടോ ഡ്രൈവർ പ്രഭാകരനെ തമിഴ്നാട് തേനി മെഡിക്കൽ കോളേജ് ആശുപത്രിയിലേക്ക് മാറ്റി.