Thalaparambu Karipadam house owner was found dead after falling into the river.

തലയോലപ്പറമ്പ്: കരിപ്പാടത്ത് ഗൃഹനാഥനെ പുഴയിൽ വീണ് മരിച്ച നിലയിൽ കണ്ടെത്തി. കരിപ്പാടം വെള്ളക്കുന്നത്ത് എം.ജി പോൾ (76) ൻ്റെ മൃതദേഹമാണ് മൂവാറ്റുപുഴയാറിൻ്റെ പാറക്കൽ ഭാഗത്ത് കടവിൽ നിന്നും

ശനിയാഴ്ച വൈകിട്ട് 4.30 ഓടെ കണ്ടെത്തിയത്.ഇയാൾ ഏതാനും ദിവസങ്ങളായി വീട്ടിൽ തനിച്ചായിരുന്നു താമസം. ഭാര്യ - സാറാമ്മ സ്റ്റെയറിൽ നിന്നും തെന്നി നിലത്ത് വീണ് കാലിനും നടുവിനും പരിക്കേറ്റ് പ്ലാസ്റ്റർ ഇട്ടതിനെ തുടർന്ന് പെരുവയിലുള്ള സഹോദരൻ്റെ വീട്ടിലായിരുന്നു ഏതാനും ദിവസങ്ങളായി താമസിക്കുന്നത്. ശനിയാഴ്ച രാവിലെ 7.30 ഓടെ സമീപത്ത് തന്നെയുള്ള കടവിൽ എത്തി പല്ല് തേച്ച് മുഖം കഴുകുന്നതിനിടെ അബദ്ധത്തിൽ വെള്ളത്തിൽ വീഴുകയായിരുന്നു.ഇയാൾക്ക് ഭക്ഷണം നൽകിയിരുന്ന സമീപത്തെ വീട്ടുകാർ പ്രഭാത ഭക്ഷണം നൽകുന്നതിനായി വീട്ടിൽ എത്തിയെങ്കിലും ഇയാളെ കണ്ടില്ല. തുടർന്ന് ബന്ധുക്കളെയും മറ്റും അറിയിച്ച് അന്വേഷണം നടത്തുന്നതിനിടെയാണ് പാറയ്ക്കൽ ക്ഷേത്രത്തിന് സമീപമുള്ള കടവിൽ മൃതദേഹം കണ്ടെത്തിയത്. തലയോലപ്പറമ്പ് പോലീസ് മേൽനടപടി സ്വീകരിച്ചു. മൃതദേഹം മുട്ടുചിറയിലെ സ്വകാര്യ ആശുപത്രി മോർച്ചറിയിൽ. സംസ്കാര ശിശ്രൂഷ നാളെ (നവംബർ 24) ഞായറാഴ്ച വൈകിട്ട് 3.30ന് ഭവനത്തിൽ നിന്ന് ആരംഭിച്ച് 4.30 മണകുന്നം മോർ ഔഗേൻ യാക്കോബായ സുറിയാനി പള്ളിയിൽ.