മെന്റാലിസം രംഗത്ത് പ്രവാസി മലയാളിയുടെ ചരിത്രനേട്ടം

മസ്‌കറ്റ്: ഒമാനിലെ മെന്റാലിസം രംഗത്ത് പ്രവാസി മലയാളിക്ക് അഭിമാന നിമിഷം. റൂവി മലയാളി അസോസിയേഷൻ (RMA) എക്സിക്യൂട്ടീവ് കമ്മിറ്റി അംഗവും പ്രശസ്ത മെന്റാലിസ്റ്റുമായ സുജിത് മെന്റാലിസ്റ്റ്, ആർട്ട്‌ ഓഫ് മെന്റാലിസം എന്ന കലാവിഭാഗത്തെ ആധാരമാക്കിയ ശ്രമത്തിലൂടെ രണ്ട് അന്താരാഷ്ട്ര ബുക്ക് ഓഫ് റെക്കോർഡുകൾ സ്വന്തമാക്കി ചരിത്രം കുറിച്ചു. ഇൻഡോ വേൾഡ് ബുക്ക് ഓഫ് റെക്കോർഡ്സ്, ഇന്റർനാഷണൽ ബുക്ക് ഓഫ് റെക്കോർഡ്സ് കരസ്ഥമാക്കി.

ഇരട്ട നേട്ടങ്ങളിലൂടെ ഒമാനിലെ പ്രവാസി മലയാളി സമൂഹത്തിന്റെയും കലാസ്നേഹികളുടെയും അഭിമാനമായി മാറിയിരിക്കുകയാണ് സുജിത് പത്മകുമാർ.

ചേർത്തല സ്വദേശിയായ സുജിത് പത്മകുമാർ, ബിസിനസുകാരനായ പദ്മകുമാറിന്റെയും ശ്രീദേവിയുടെയും മകനാണ്. ഭാര്യ മീര സുജിത് (സോഫ്റ്റ്‌വെയർ എഞ്ചിനീയർ – വാട്ടയാഹ്) യുടെയും, മക്കളായ സ്വസ്തിക്, സാത്വിക് എന്നിവരുടെയും ശക്തമായ പിന്തുണയാണ് അദ്ദേഹത്തിന്റെ വിജയത്തിന് പിന്നിൽ. കഴിഞ്ഞ പത്ത് വർഷമായി ഒമാനിൽ താമസിക്കുന്ന അദ്ദേഹം ബ്ലൂ രഹിൻ ജനറൽ ട്രേഡിംഗ് കമ്പനിയിൽ അക്കൗണ്ടന്റായി ജോലി ചെയ്യുന്നു.

ഒമാനിൽ മാത്രം മുപ്പതിലധികം വേദികളിൽ മെന്റാലിസം ഷോകൾ അവതരിപ്പിച്ചിട്ടുള്ള സുജിത്, ISO സർട്ടിഫൈഡ് മെന്റാലിസ്റ്റ് കൂടിയാണ്. ഇതിനുമുമ്പ് ഇന്റർനാഷണൽ ബുക്ക് ഓഫ് റെക്കോർഡ്സ് നേട്ടം കൈവരിച്ചിരുന്ന അദ്ദേഹം, ഇപ്പോൾ ഇൻഡോ വേൾഡ് ബുക്ക് ഓഫ് റെക്കോർഡ്സ് കൂടി സ്വന്തമാക്കിയതോടെ മെന്റാലിസം രംഗത്ത് മലയാളിയുടെ സാന്നിധ്യം അന്താരാഷ്ട്ര തലത്തിൽ ഉറപ്പിക്കപ്പെട്ടു.

പ്രിയ സുജിത്തിന്റെ ഈ ചരിത്ര നേട്ടത്തിൽ റൂവി മലയാളി അസോസിയേഷൻ (RMA) അഭിനന്ദനങ്ങൾ അറിയിച്ചു. ഭാവിയിൽ കൂടുതൽ ഉയർന്ന വേദികളും അന്താരാഷ്ട്ര അംഗീകാരങ്ങളും അദ്ദേഹത്തെ തേടിയെത്തട്ടെയെന്ന് സംഘടന ആശംസിച്ചു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക ttps://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags: