State Senior Volleyball Championship at Vallikunnu. Welcome Team formed

കേരള സ്റ്റേറ്റ് വോളിബോൾ അസോസിയേഷൻ നടത്തുന്ന സംസ്ഥാന സീനിയർ വോളിബോൾ ചാമ്പ്യൻഷിപ്പ് മെയ് അവസാന വാരം വള്ളിക്കുന്നിൽ നടത്തും. മലപ്പുറം ജില്ല വോളിബോൾ അസോസിയേഷനും അപ്പോളോ വള്ളിക്കുന്നും സംയുക്തമായാണ് ചാമ്പ്യൻഷിപ്പിന് ആതിഥ്യമരുളുന്നത്. മലപ്പുറം ജില്ലയിൽ ആദ്യമായി നടത്തപ്പെടുന്ന സീനിയർ വോളിബോൾ ചാമ്പ്യൻഷിപ്പ് വിജയകരമായി നടത്തുന്നതിന്നായി വിപുലമായ സംഘാടക സമിതി രുപീകരിച്ചു. സംഘാടക സമിതി രൂപീകരണയോഗം എം.എൽ.എ. അബ്ദുൾ ഹമീദ് മാസ്റ്റർ ഉദ്ഘാടനം ചെയ്തു. ചടങ്ങിൽ ജില്ല വോളിബോൾ അസോസിയേഷൻ പ്രസിഡണ്ട് എം. പ്രേംകുമാർ അദ്ധ്യക്ഷനായിരുന്നു. സംസ്ഥാന അസോസിയേഷൻ ജോയൻ്റ് സെക്രട്ടറി ബാബു പാലാട്ട് ചാമ്പ്യൻഷിപ്പ് നടപടിക്രമങ്ങൾ റിപ്പോർട്ട് ചെയ്തു. ജില്ല ഒളിമ്പിക് അസോസിയേഷൻ സെക്രട്ടറി പി.ഹൃഷികേശ്കുമാർ, ബ്ലോക്ക് പഞ്ചായത്ത് അംഗം പി.ബാബുരാജൻ, ഗ്രാമപഞ്ചായത്ത് അംഗം ആഷിക് മസൂദ് എന്നിവർ പ്രസംഗിച്ചു. അപ്പോളോ വള്ളിക്കുന്ന് പ്രസിഡണ്ട് എം. ഉണ്ണികൃഷ്ണൻ സ്വാഗതവും സെക്രട്ടറി പ്രമോദ് പുളിയശ്ശേരി നന്ദിയും പറഞ്ഞു.

അബ്ദുൾ ഹമീദ് മാസ്റ്റർ എം.എൽ.എ മുഖ്യരക്ഷാധികാരിയായ സംഘാടക സമിതിയുടെ ചെയർമാനായി പി. ഹൃഷികേശ് കുമാറിനേയും ജനറൽ കൺവീനറായി ബാബു പാലാട്ടിനേയും തെരഞ്ഞെടുത്തു.

Tags:

enlightmedia,malayalamnews,kerala,latestnews