സ്പോർട്സ് കിറ്റ് വിതരണം ചെയ്തു

11 Mar 2025 19:43 IST

Share News :

പെരിയമ്പലം :ചെറുകാവ് ഗ്രാമ പഞ്ചായത്ത്‌ 2024-25 വാർഷിക പദ്ധതിയിൽ ഉൾപ്പെടുത്തി പഞ്ചായത്തിലെ സ്കൂളുകൾക്കും യൂത്ത് ക്ലബ്ബുകൾക്കും സൗജന്യമായി സ്പോർട്സ് കിറ്റ് വിതരണം ചെയ്തു. പഞ്ചായത്ത് ഹാളിൽ നടന്ന പരിപാടിയിൽ പ്രസിഡന്റ്‌ പികെ അബ്ദുള്ളക്കോയ വിതരണോദ്ഘാടനം നിർവഹിച്ചു. ഒരു പ്രദേശത്തിന്റെ പൊതു വേദിയാണ് ക്ലബ്ബുകളെന്നും കക്ഷി രാഷ്ട്രീയ മത ചിന്തകൾക്ക് അതീതമായി എല്ലാവരും ഒന്നിക്കുന്ന ഇടം യുവജന ക്ലബ്ബുകളാണെന്നും പ്രസിഡന്റ്‌ പറഞ്ഞു. സ്കൂൾ വിദ്യാർത്ഥികളുടെ കായിക മാനസിക പുരോഗതി ലക്ഷ്യം വെച്ചാണ് വാർഷിക പദ്ധതിയിൽ ഉൾപ്പെടുത്തി ആദ്യമായി സ്കൂളുകൾക്കും സ്‌പോർട്സ് കിറ്റ് നൽകുന്നത്. ഭാവിയുടെ പ്രതീക്ഷകളായ യുവജനങ്ങളെയും വിദ്യാർത്ഥികളെയും ചേർത്തു പിടിച്ചു മുന്നോട്ടു പോകുമെന്നും പ്രസിഡന്റ്‌ കൂട്ടിച്ചേർത്തു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ കെ ആഷിഖ് അധ്യക്ഷത വഹിച്ച ചടങ്ങിൽ വൈസ് പ്രസിഡന്റ്‌ സുജാത കളത്തിങ്ങൽ, വികസന സ്റ്റാൻഡിങ് കമ്മിറ്റി ചെയർമാൻ കെ വി മുരളീധരൻ, സെക്രട്ടറി സി. സന്തോഷ്‌, വാർഡ് മെമ്പർമാരായ ഫൗസിയ മൻസൂറലി, ഖമറുന്നിസ മെഹബൂബ്, ഷീബ ബാബു, ജസീന ആലുങ്ങൽ, ബിന്ദു ചെറുവറ്റൂർ, പദ്ധതി നിർവ്വഹണ ഓഫീസർ ചന്ദ്രദാസൻ മാസ്റ്റർ, അഷ്‌റഫ്‌ മാസ്റ്റർ, ഉണ്ണി, പഞ്ചായത്ത്‌ ആർ പി. പികെ നൗഷാദ് അലി എന്നിവർ പങ്കെടുത്തു.