സ്കൂൾ വാർഷികവും യാത്രയയപ്പും*

കൊടക്കാട് പ്രവർത്തിക്കുന്ന പരപ്പനങ്ങാടി ബധിര വിദ്യാലയത്തിൻ്റെ 32-ാം വാർഷികാഘോഷവും സർവീസിൽ നിന്ന് വിരമിക്കുന്ന ഹെഡ്മാസ്റ്റർ വി.കെ. അബ്ദുൽ കരീം, സഹാധ്യാപിക എം.റസീന, മാട്രൺ കെ.എ. മൊയ്തീൻ കുട്ടി എന്നിവർക്കുള്ള യാത്രയയപ്പും വിവിധ പരിപാടികളോടെ നടന്നു. യാത്രയയപ്പ് സമ്മേളനം ഇ.ടി. മുഹമ്മദ് ബഷീർ എം.പി ഉദ്ഘാടനം ചെയ്തു. വള്ളിക്കുന്ന് പഞ്ചായത്ത് വൈസ് പ്രസിഡണ്ട് കെ.മനോജ് കുമാർ അദ്ധ്യക്ഷത വഹിച്ചു. വിരമിക്കുന്നവർക്കുള്ള ഉപഹാരങ്ങൾ സ്കൂൾ മാനേജർ പി. അഹമ്മദ് കോയ വിതരണം ചെയ്തു. ജീവകാരുണ്യ പ്രവർത്തകൻ ഡോ. കബീർ മച്ചിഞ്ചേരി, എ.ഡബ്ല്യൂ.എച്ച് റിസീവർ റിട്ട. ജഡ്ജ് ടി.വി. മമ്മൂട്ടി എന്നിവർ മുഖ്യാതിഥികളായിരുന്നു. എസ്.സി.ഇ.ആർ.ടി റിസർച്ച് ഓഫീസർ ഡോ. എ.കെ. അനിൽ കുമാർ മുഖ്യ പ്രഭാഷണം നടത്തി. വാർഡ് മെമ്പർമാരായ എ.പി.കെ തങ്ങൾ, നിസാർ കുന്നുമ്മൽ, രാജി കൽപാലത്തിങ്ങൽ, നിലമ്പൂർ ബഡ്സ് സ്കൂൾ ഹെഡ്മിസ്ട്രസ്സ് പി.സുഹറ, ബക്കർ ചെർന്നൂർ, ഡോ. ജോൺ ഇ തോപ്പിൽ, ഷമീർ കോലാക്കൽ, ഒ.സിൽമിയ, സി.സംഗീത, ടി.അസ്മിന, മുഷ്താഖ് അഷ്റഫ് എന്നിവർ ആശംസകൾ നേർന്നു. വി.കെ. അബ്ദുൽ കരീം, എം.റസീന, കെ.എ. മൊയ്തീൻ കുട്ടി എന്നിവർ മറുപടി പ്രസംഗം നടത്തി. ടി.കെ ബഷീർ സ്വാഗതവും കെ.ഹുസയി നന്ദിയും പറഞ്ഞു. വിദ്യാർത്ഥികൾ, പൂർവ വിദ്യാർത്ഥികൾ, രക്ഷിതാക്കൾ എന്നിവരുടെ കലാപരിപാടികളും ഫാദേഴ്സ് ഗ്രൂപ്പ് സ്പോൺസർ ചെയ്ത ഗാനമേളയും നടന്നു.

Tags:

enlightmedia,malayalamnews,kerala,latestnews