Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
10 Jan 2025 23:39 IST
Share News :
പാലക്കാട്: കോഴിക്കോട് നിന്നും ചെന്നൈയിലേക്ക് പോവുകയായിരുന്ന സ്വകാര്യ ബസ്സിന് തീപിടിച്ചു.
തിരുവാഴിയോട് പൊലീസ് സ്റ്റേഷനു സമീപത്തെ പെട്രോൾ പമ്പിനു മുന്നിൽ രാത്രി ഒമ്പതോടെയാണ് സംഭവം.
യാത്രക്കാരും ജീവനക്കാരും അത്ഭുതകരമായി രക്ഷപ്പെട്ടു.
കോഴിക്കോട്ടുനിന്ന് ചെന്നൈയിലേക്കു പുറപ്പെട്ട എ വൺ ട്രാൻസ്‌പോർട്ടേഴ്സ് ബസിൽനിന്ന് പുക ഉയർന്നതിനെ തുടർന്ന് മുണ്ടൂർ-തൂത സംസ്ഥാനപാതയുടെ സമീപത്ത് നിർത്തി യാത്രക്കാരോട് പുറത്തിറങ്ങാൻ ആവശ്യപ്പെടുകയായിരുന്നു. എല്ലാവരും പെട്ടെന്ന് പുറത്തിറങ്ങിയതിനാൽ ദുരന്തമൊഴിവായി. 23 യാത്രക്കാരും നാലു ജീവനക്കാരുമാണ് ബസിലുണ്ടായിരുന്നത്.
കോങ്ങാട്, മണ്ണാർക്കാട് എന്നിവിടങ്ങളിൽനിന്ന് അഗ്നിരക്ഷാസേനയെത്തിയാണ് തീയണച്ചത്. ബസ് പൂർണമായും കത്തിനശിച്ചു. ചില യാത്രക്കാരുടെ ബാഗുകളും കത്തി. ഷോർട്ട് സർക്യൂട്ടാണ് കാരണമെന്നാണ് നിഗമനം. ശ്രീകൃഷ്ണപുരം പൊലീസും വി.കെ. ശ്രീകണ്ഠൻ എം.പിയും സ്ഥലത്തെത്തി.
Follow us on :
Tags:
More in Related News
Please select your location.
