Palayoor Bible Convention concluded

ചാവക്കാട്:28-ആം പാലയൂർ മഹാ തീർത്ഥാടനത്തിനോടനുബന്ധിച്ചുള്ള 5 ദിനങ്ങളിലായി നടന്നുവന്നിരുന്ന 26-ആം ബൈബിൾ കൺവെൻഷന് സമാപനം കുറിച്ചു.ജപമാലയോടുകൂടി ആരംഭിച്ച് വി കുർബാനയ്ക്ക് ശേഷം തൃശ്ശൂർ അതിരൂപത അധ്യക്ഷൻ മാർ ആൻഡ്രൂസ് താഴത്ത് സമാപന സന്ദേശം നടത്തി.ജൂബിലി വർഷത്തിൽ മാർപാപ്പ നമ്മെ ഉദ്ബോധിപ്പിച്ചതുപോലെ പ്രത്യാശയുടെ തീർത്ഥാടകരാകാനും തീർത്ഥാടനത്തിന്റെ ലക്ഷ്യങ്ങളെക്കുറിച്ചും പ്രസക്തിയെക്കുറിച്ചും വിശുദ്ധ ഗ്രന്ഥ അടിസ്ഥാനത്തിലൂടെയും സഭയുടെ പ്രബോധനങ്ങളിലൂടെയും മാർ ആൻഡ്രൂസ് താഴത്ത് വ്യക്തമാക്കി.ഗാഗുൽത്താ ധ്യാനകേന്ദ്രം ഡയറക്ടർ ഫാദർ ബെന്നി പീറ്റർ വെട്ടിയ്ക്കാനകുടിയുടെയും സംഘത്തിന്റെയും നേതൃത്വത്തിലാണ് ബൈബിൾ കൺവെൻഷൻ നടന്നത്.സെന്റ് തോമസ് മേജർ ആർക്കി എപ്പിസ്കോപൽ തീർത്ഥകേന്ദ്രം ആർച്ച് പ്രീസ്റ്റ് റവ ഡോ.ഡേവിസ് കണ്ണമ്പുഴ,അസി വികാരി റവ ഫാ.ക്ലിന്റ് പാണേങ്ങാടൻ എന്നിവർ പ്രസംഗിച്ചു.ബൈബിൾ കൺവെൻഷൻ ഫൊറോന ഇൻ ചാർജ് റവ.ഫാ ലിവിൻ ചൂണ്ടൽ,ബൈബിൾ കൺവെൻഷൻ കൺവീനർ ജോയ് ചിറമ്മൽ,തീർത്ഥകേന്ദ്രം സെക്രട്ടറി ബിജു മുട്ടത്ത്,പിആർ ജെഫിൻ ജോണി,മീഡിയ വിംഗ് പാലയൂർ മഹാസ്ലീഹ അംഗങ്ങൾ എന്നിവർ നേതൃത്വം നൽകി.28-ആം പാലയൂർ മഹാ തീർത്ഥാടനം ഏപ്രിൽ 6 ഞായറാഴ്ച്ച രാവിലെ തൃശ്ശൂർ ലൂർദ് കത്തീഡ്രൽ പള്ളിയിൽ നിന്ന് പുലർച്ചെ 5 മണിക്ക് പാലയൂരിലേക്ക് ആരംഭിക്കുമെന്ന് ഭാരവാഹികൾ അറിയിച്ചു.

Tags:

enlightmedia,malayalamnews,kerala,latestnews