Opposition Leader's Cycle Gift to Kidnapper

കുട്ടിക്കർഷകന് പ്രതിപക്ഷ നേതാവിന്റെ സൈക്കിൾ സമ്മാനം

21 Aug 2024 19:10 IST

Share News :

Opposition Leader's Cycle Gift to Kidnapper

കുട്ടിക്കർഷകന് പ്രതിപക്ഷ നേതാവിന്റെ സൈക്കിൾ സമ്മാനം

പറവൂർ: പാഴ് വസ്തുക്കളെ കൃഷിയോഗ്യമാക്കിയ കുട്ടിക്കർഷകനെ അനുമോദിക്കാൻ പ്രതിപക്ഷ നേതാവ് വീട്ടിലെത്തി. കരുമാല്ലൂർ മനയ്ക്കപ്പടി പുളിക്കപ്പറമ്പിൽ സുനിൽകുമാറിൻ്റെയും രേണുകയുടെയും രണ്ടാമത്തെ മകനാണ് കാരിയാറ എഫ് എം സി ടി എച്ച് സ്കൂളിലെ എട്ടാം ക്ലാസ്സുകാരൻ അഭിനവ്.

ഉപയോഗശൂന്യമായ വസ്തുക്കളിൽ മണ്ണുനിറച്ച് പച്ചക്കറിത്തെെകൾ നട്ട് പരിപാലിക്കുന്നതിൽ ശ്രദ്ധ കേന്ദ്രീകരിച്ച അഭിനവ് ഇപ്പോൾ തൊഴിലുറപ്പു തൊഴിലാളികളുടെ സഹായത്തോടെ കപ്പ കൃഷിയും ആരംഭിച്ചിട്ടുണ്ട്. അഭിനവിനെക്കുറിച്ചറിഞ്ഞ പ്രതിപക്ഷ നേതാവ് അഡ്വ. വി ഡി സതീശൻ അപ്രതീക്ഷിതമായി വീട്ടിലെത്തുകയായിരുന്നു. അഭിനവിന് സൈക്കിളും, ബാഗും പുസ്തകങ്ങളും സമ്മാനിച്ചാണ് പ്രതിപക്ഷ നേതാവ് മടങ്ങിയത്.

സംസ്ഥാന കാർഷിക ഗ്രാമ വികസന ബാങ്ക് എക്സിക്യൂട്ടീവ് ഡയറക്ടർ ടി എ നവാസ്, ബ്ലോക്ക് കോൺഗ്രസ് കമ്മിറ്റിയുടെ പ്രസിഡന്റ് കെ ആർ നന്ദകുമാർ, കോൺഗ്രസ് മണ്ഡലം പ്രസിഡന്റ് ടി എ മുജീബ്, മാഞ്ഞാലി സർവീസ് സഹകരണ ബാങ്ക് പ്രസിഡന്റ് പി എ സക്കീർ, കെ വി ദാമോദരപിള്ള, ഫ്രാൻസിസ് പഞ്ഞികാരൻ, വി പി അനിൽ കുമാർ, കെ എസ് പൗലോസ്, പോൾസൺ ഗോപുരത്തിങ്കൽ, കെ എ അബ്ദുൽ കലാം, രേണുക തുടങ്ങിയവർ സംബന്ധിച്ചു.

Tags:

enlightmedia,malayalamnews,kerala,latestnews