Tue Dec 12, 2023 10:56 PM 1ST
Location
Sign In
28 Oct 2025 12:17 IST
Share News :
താനൂർ : സംസ്ഥാന കായിക വകുപ്പിന്റെ പ്ലാൻ ഫണ്ട് ഉപയോഗിച്ച് താനാളൂരിൽ മൂലക്കൽ-ദേവധാർ പാലത്തിന് കീഴിലായി സ്ഥാപിതമാകുന്ന മൾട്ടി സ്പോർട്സ് ഫെസിലിറ്റി സെന്ററിന്റെ ശിലാസ്ഥാപന കർമ്മം കായിക- ന്യൂനപക്ഷക്ഷേമ-വഖഫ് -ഹജ്ജ് വകുപ്പ് മന്ത്രി വി. അബ്ദുറഹിമാൻ നിർവ്വഹിച്ചു. ക്ഷേമകാര്യ സ്റ്റാന്റിംഗ് കമ്മറ്റി ചെയർമാൻ സതീശൻ മാസ്റ്റർ പരിപാടിക്ക് അധ്യക്ഷത വഹിച്ചു.
സ്പോർട്സ് കേരള ഫൗണ്ടേഷൻ എക്സിക്യൂട്ടീവ് എഞ്ചിനീയർ മുഹമ്മദ് അഷ്റഫ് പദ്ധതി സംബന്ധിച്ച റിപ്പോർട്ട് അവതരിപ്പിച്ചു. എസ്.എസ്. എൽ.സി,പ്ലസ് ടു,യു.എസ്.എസ്,എൽ. എസ്.എസ്. പരീക്ഷയിൽ ഉന്നത വിജയം നേടിയ വിദ്യാർത്ഥികളെയും കുടുംബശ്രീ, ഹരിതകർമ്മ സേന അംഗങ്ങൾ തുടങ്ങിയവരെയും വേദിയിൽ ആദരിച്ചു.
ബ്ലോക്ക് പഞ്ചായത്ത് മെമ്പർ കാദർകുട്ടി വിശാരത്ത്,വാർഡ് മെമ്പർമാരായ ഫാത്തിമ, പി.വി. ഷണ്മുഖൻ, പാർട്ടി പ്രതിനിധികൾ തുടങ്ങിയവർ പങ്കെടുത്തു. താനാളൂർ ഗ്രാമ പഞ്ചായത്ത് പ്രസിഡന്റ് വി. അബ്ദുൾ റസാഖ് സ്വാഗതവും മെമ്പർ ലൈജു പരിപാടിക്ക് നന്ദിയും പറഞ്ഞു.
Follow us on :
Tags:
Please select your location.