Metropolitans Ernakulam Oman Chess Tournament

മസ്ക്കറ്റ്: ഒമാനിലെ എറണാകുളം ജില്ലക്കാരുടെ സംഘടനയായ മെട്രോപോളിറ്റൻസ് എറണാകുളം ഒമാൻ ചാപ്റ്റർ അൽഖുവൈറിലുള്ള ചാംപ് സ്പോർട്സ് ആൻഡ് ആർട്സ് സംയുക്തമായി ഏപ്രിൽ 11-ാം തീയതി വെള്ളിയാഴ്ച രാവിലെ 9 മണിമുതൽ ചെസ്സ് വർക്ക്ഷോപ്പ് & ടുർണമെന്റ് സംഘടിപ്പിക്കുന്നു.

പ്രോഗ്രാമിന്റെ രജിസ്‌ട്രേഷൻ ഗൂഗിൾ ഫോം വഴി നടത്തപ്പെടും. 5 വയസ്സിനു മുകളിൽ പ്രായമുള്ള കുട്ടികളെ മാത്രം പരിഗണിക്കും. സംഗീത കുമാർ, ഫൈസൽ ആലുവ, റഫീഖ് മാഞ്ഞാലി എന്നിവരുടെ നേതൃത്വത്തിലാണ് ഈ പരിപാടി നടത്തപ്പെടുന്നത്. ഒമാനിലെ മലയാളിയായ നൂറിൽ അധികം കുട്ടികളെ പങ്കെടുപ്പിക്കാനാണ് ഉദ്ദേശിക്കുന്നത്. പങ്കെടുക്കാൻ താല്പര്യമുള്ളവർ രജിസ്‌ട്രേഷൻ നടപടികൾ വേഗത്തിൽ പൂർത്തിയാക്കാൻ സംഘാടകർ അറിയിച്ചു.

മെട്രോപോളിറ്റൻസ് എറണാകുളം ഒമാൻ ചാപ്റ്റർ ഈ പ്രോഗ്രാം കൊണ്ട് ഉദ്ദേശിക്കുന്നത് വിദ്യാർത്ഥികൾ, കുട്ടികൾ, യുവാക്കളെ, അതുപോലെ തന്നെ സമൂഹത്തെ ഒരു വ്യത്യസ്ത ദിശയിൽ നയിക്കാൻ സന്നദ്ധമാകുക എന്നതാണ്. ഇപ്പോൾ വർധിച്ചുവരുന്ന മയക്കുമരുന്ന് പ്രശ്നം വളരെ ഗൗരവമാണ്, പ്രത്യേകിച്ച് യുവ തലമുറയിൽ. ഇത് ഒന്നിച്ച് നേരിടേണ്ട ഒരു വിഷയമാണ്. ചെസ്സ്, ഈ പ്രശ്നം നേരിടാനും, കുട്ടികളെ, യുവാക്കളെ കൂടുതൽ ശ്രദ്ധ കേന്ദ്രീകരിക്കാനും, തന്റെ മനസ്സിന്റെ ശക്തി വളർത്താനും സഹായിക്കുന്ന ഒരു മികച്ച വഴിയാണ് .

ചെസ്സ് മാനസിക ശാക്തീകരണത്തിനും, ശ്രദ്ധക്കായുള്ള പരിശീലനത്തിനും, ആലോചനാത്മക കഴിവുകൾ സൃഷ്ടിക്കുന്നതിന് മികച്ച ഒരു മാർഗമാണ്. അതിനാൽ, മെട്രോപോളിറ്റൻസ് എറണാകുളം ഒമാൻ ചാപ്റ്റർ ഈ പദ്ധതിക്ക് തുടക്കം കുറിച്ചതെന്നു പ്രസിഡണ്ട് സിദ്ധിഖ് ഹസ്സൻ , ജനറൽ സെക്രട്ടറി ചന്ദ്രശേഖരൻ എന്നിവർ വാർത്ത കുറിപ്പിൽ പറഞ്ഞു.

For: News & Advertisements +968 95210987 / +974 55374122

⭕⭕⭕⭕⭕⭕⭕⭕⭕

Tags:

Metropolitans Ernakulam Oman Chess Tournament