Local elections; Most of the former police officers who contested in Vaikkam were aware of the defeat.

വൈക്കം: തദ്ദേശ തിരഞ്ഞെടുപ്പിൽ നഗരസഭയിലും പഞ്ചായത്തുകളിലും മത്സരിച്ച മുൻ പോലീസ് ഉദ്യോഗസ്ഥരിൽ ഭൂരിഭാഗവും തോൽവി അറിഞ്ഞു. വൈക്കം നഗരസഭയിലും വെച്ചൂർ പഞ്ചായത്തിലും മുന്നണികളിൽ മത്സരിച്ച രണ്ട് പേർ മാത്രമാണ് വിജയം കണ്ടത്. വൈക്കം നഗരസഭയിൽ മത്സരിച്ച യുഡിഎഫ് സ്ഥാനാർഥി ബി.രാജശേഖരനും വെച്ചൂർ ഗ്രാമപഞ്ചായത്തിൽ മത്സരിച്ച മോഹൻദാസുമാണ് വിജയിച്ചത്. രാജശേഖരൻ മുൻ കൗൺസിലറാണ്. മോഹൻദാസിൻ്റെത് ആദ്യ അങ്കമായിരുന്നു.തലയോലപ്പറമ്പ് ഗ്രാമപഞ്ചായത്തിൽ എൽ ഡി എഫ് മുന്നണി സ്ഥാനാർഥികളായി മത്സരിച്ച കെ.എസ് ഷെരീഫ്, ജോസഫ് മുകളയിൽ എന്നിവർ പരാജയപ്പെട്ടപ്പോൾ. വെള്ളൂർ ഗ്രാമ പഞ്ചായത്തിൽ യുഡിഎഫ് മുന്നണി സ്ഥാനാർഥിയായി മത്സരിച്ച പി.വി സലിമും മറവൻതുരുത്ത് ഗ്രാമപഞ്ചായത്തിൽ മത്സരിച്ച എൽഡിഎഫ് സ്ഥാനാർഥി എം.എസ് തിരുമേനിയും പരാജയത്തിൻ്റെ കയ്പ്പറിഞ്ഞു.തലയാഴം ഗ്രാമപഞ്ചായത്തിൽ 9-ാം വാർഡിൽ യു ഡി എഫ് വിമതനായി മത്സിച്ച മനോഹരനും മൂന്നാം സ്ഥാനത്തേക്ക് പിന്തള്ളപ്പെട്ടു. ഇവിടെ എൽ ഡി എഫ് സ്ഥാനാർഥിയാണ് വിജയിച്ചത്. കല്ലറ ഗ്രാമ പഞ്ചായത്തിൽ റിട്ടേഡ് മിലിട്ടറി ഉദ്യോഗസ്ഥനും ഗ്രാമ പഞ്ചായത്ത് മുൻ പ്രസിഡൻ്റുമായിരുന്ന ജോണി തോട്ടുങ്കലും പരാജയം അറിഞ്ഞു.