Karimannur St. Joseph's School Anniversary

കരിമണ്ണൂര്‍: സെന്റ് ജോസഫ്‌സ് ഹയര്‍ സെക്കന്‍ഡറി സ്‌കൂളിന്റെ 90-ാം വാര്‍ഷികദിനവും നവതി വാര്‍ഷികാഘോഷ സമാപനവും യാത്രയയപ്പ് സമ്മേളനവും നടത്തി.

സേവനകാലത്തിന് വിരാമംകുറിക്കുന്ന ഹൈസ്‌കൂള്‍ അധ്യാപകരായ മിനിമോള്‍ എ. ജോണ്‍, മാത്യു വര്‍ഗീസ്, ഷേര്‍ലി അഗസ്റ്റിന്‍ എന്നിവര്‍ക്ക് യാത്രയയപ്പും നല്‍കി.

കോതമംഗലം രൂപതാധ്യക്ഷന്‍ മാര്‍ ജോര്‍ജ് മഠത്തിക്കണ്ടത്തില്‍ അധ്യക്ഷത വഹിച്ചു. അഡ്വ. ഡീന്‍ കുര്യാക്കോസ് എം.പി ഉദ്ഘാടനം ചെയ്തു. സ്‌കൂള്‍ മാനേജര്‍ റവ. ഡോ. സ്റ്റാന്‍ലി പുല്‍പ്രയില്‍ ആമുഖ പ്രഭാഷണം നടത്തി. പി.ജെ. ജോസഫ് എം.എല്‍.എ മുഖ്യപ്രഭാഷണം നടത്തി. കോതമംഗലം രൂപതാ വികാരി ജനറാള്‍ മോണ്‍. പയസ് മലേക്കണ്ടത്തില്‍ നവതി സമാപന സന്ദേശവും യാത്രയയപ്പ് സന്ദേശവും നല്‍കി.. കരിമണ്ണൂര്‍ ഗ്രാമപഞ്ചായത്ത് പ്രസിഡന്റ് നിസാമോള്‍ ഷാജി സമ്മാനദാനം നിര്‍വഹിച്ചു. ചലച്ചിത്ര പിന്നണി ഗായകന്‍, റിയാലിറ്റി ഷോ ടൈറ്റില്‍ വിന്നര്‍ ലിബിന്‍ സ്‌കറിയ ഗാനങ്ങള്‍ ആലപിച്ചു. സ്‌കൂള്‍ അസിസ്റ്റന്റ് മാനേജര്‍ ഫാ. മാത്യു എടാട്ട്, വാര്‍ഡ് മെമ്പര്‍ ആന്‍സി സിറിയക്, ഹോളി ഫാമിലി എല്‍.പി സ്‌കൂള്‍ ഹെഡ്മാസ്റ്റര്‍ കെ.റ്റി. തോബിയാസ്, പി.റ്റി.എ പ്രസിഡന്റ് ജോസണ്‍ ജോണ്‍, എം.പി.റ്റി.എ പ്രസിഡന്റ് ജോസ്മി സോജന്‍, അധ്യാപക പ്രതിനിധി ജീസ് എം. അലക്‌സ്, സ്‌കൂള്‍ ലീഡര്‍ ബി. ശിവാനന്ദ്, ചെയര്‍പേഴ്‌സണ്‍ തെരേസ് മാത്യു എന്നിവര്‍ പ്രസംഗിച്ചു. ് സ്‌കൂള്‍ പ്രിന്‍സിപ്പല്‍ ബിസോയ് ജോര്‍ജ് സ്വാഗതവും ഹെഡ്മാസ്റ്റര്‍ നന്ദിയും പറഞ്ഞു. നവതിയോടനുബന്ധിച്ച് പുറത്തിറക്കുന്ന സ്മരണികയുടെ കവര്‍ പേജ് പ്രകാശനം സ്‌കൂള്‍ മാനേജര്‍ നിര്‍വഹിച്ചു. വാര്‍ഷികാത്തിനോടനുബന്ധിച്ച് കലോത്സവത്തില്‍ മികച്ച വിജയം നേടിയ വിദ്യാര്‍ഥികള്‍ വിവിധ കലാപരിപാടികള്‍ അവതരിപ്പിച്ചു.