റി​യാ​ദ്: റി​യാ​ദ് പ​ബ്ലി​ക് ജ​യി​ലി​ലെ എ​ഫ്-31ാം ന​മ്പ​ർ ജ​യി​ലി​ൽ അ​തീ​വ സ​ന്തു​ഷ്‌​ട​നാ​ണ് അ​ബ്ദു​റ​ഹീ​മും സ​ഹ​ത​ട​വു​കാ​രും. 18 വ​ർ​ഷ​ത്തെ ത​ട​വ​റ ജീ​വി​ത​ത്തി​ൽ​നി​ന്നും വ​ധ​ശി​ക്ഷ​യി​ൽ​നി​ന്നും മോ​ചി​ത​നാ​യി വി​ശാ​ല ലോ​ക​ത്തേ​ക്കു​ള്ള ജീ​വി​ത​യാ​ത്ര സാ​ധ്യ​മാ​കാ​നു​ള്ള അ​വ​സ​രം ഒ​രു​ങ്ങു​ന്ന​തി​നേ​ക്കാ​ളേ​റെ ലോ​കം ത​നി​ക്കു​വേ​ണ്ടി ഐ​ക്യ​പ്പെ​ട്ട​തി​ലും മ​ല​യാ​ളി സ​മൂ​ഹം ത​ന്റെ ജീ​വ​ന്റെ വി​ഷ​യം പ​രി​ഗ​ണി​ച്ച​തി​ലു​മാ​ണ് ഏ​റെ സ​ന്തോ​ഷ​മെ​ന്ന് ജ​യി​ലി​ൽ നി​ന്നു​ള്ള ടെ​ലി​ഫോ​ൺ സം​ഭാ​ഷ​ണ​ത്തി​ൽ റ​ഹീം പ​റ​ഞ്ഞു.

മു​ഴു​വ​ൻ തു​ക​യും സ​മാ​ഹ​രി​ക്ക​പ്പെ​ട്ട വാ​ർ​ത്ത​യ​റി​ഞ്ഞ് സ​ഹ​ത​ട​വു​കാ​രെ​ല്ലാം വ​ന്ന് കെ​ട്ടി​പ്പു​ണ​രു​ക​യും വ്യ​ത്യ​സ്ത രീ​തി​യി​ൽ അ​വ​രു​ടെ സ​ന്തോ​ഷം പ്ര​ക​ടി​പ്പി​ക്കു​ക​യും ചെ​യ്തു. ചി​ല​ർ ശേ​ഖ​രി​ച്ചു​വെ​ച്ചി​രു​ന്ന മ​ധു​രം ത​ന്നു. മ​റ്റു ചി​ല​ർ പ്രാ​ർ​ഥ​നാ​പൂ​ർ​വം ന​ല്ല വാ​ക്കു​ക​ൾ പ​റ​ഞ്ഞു. ഇ​നി എ​ന്റെ സ​ന്തോ​ഷ​ത്തി​ൽ പ​ങ്കു​ചേ​ർ​ന്ന സ​ഹോ​ദ​ര​ന്മാ​ർ​ക്ക് മ​ധു​രം ന​ൽ​ക​ണം. അ​തി​നാ​യി ജ​യി​ലി​ലേ​ക്ക് ഭ​ക്ഷ​ണം കൊ​ണ്ടു​വ​രു​ന്ന വാ​ഹ​ന​ത്തി​ൽ മു​ൻ​കൂ​ട്ടി ഓ​ർ​ഡ​ർ കൊ​ടു​ക്ക​ണം. ഇ​തി​നാ​യു​ള്ള പ​ണം സു​ഹൃ​ത്ത് ഷൗ​ക്ക​ത്തി​നോ​ട് എം​ബ​സി പ്ര​തി​നി​ധി യൂ​സു​ഫ്ക്ക​യെ ഏ​ൽ​പ്പി​ക്കാ​ൻ പ​റ​ഞ്ഞി​ട്ടു​ണ്ട്. പ​ണം അ​ദ്ദേ​ഹം ജ​യി​ലി​ൽ കൊ​ണ്ടു​വ​ന്ന് അ​ട​ച്ചാ​ൽ അ​വ​ർ​ക്ക് മ​ധു​രം ന​ൽ​കും.

ക​ന്യാ​കു​മാ​രി​ക്കാ​ര​നാ​യ ഒ​രാ​ൾ മാ​ത്ര​മാ​ണ് സ​ഹ​ത​ട​വു​കാ​രി​ൽ മ​ല​യാ​ളം സം​സാ​രി​ക്കാ​ൻ കൂ​ട്ടു​ള്ള​ത്. ബാ​ക്കി എ​ല്ലാ​വ​രും മ​റു ഭാ​ഷ​ക്കാ​രാ​ണ്. എ​ങ്കി​ലും അ​വ​ർ ത​രു​ന്ന സ്നേ​ഹ​ത്തി​ന് ഭാ​ഷ​യോ രാ​ജ്യാ​തി​ർ​ത്തി​യോ ത​ട​സ്സ​മ​ല്ല. ജ​യി​ലി​ന് പു​റ​ത്ത് ത​നി​ക്കു​വേ​ണ്ടി ന​ട​ക്കു​ന്ന​തെ​ല്ലാം സ​മ​യാ​സ​മ​യം അ​റി​യു​ന്നു​ണ്ട്. ഇ​ത്ര പെ​ട്ടെ​ന്ന് പ​ണം സ​മാ​ഹ​രി​ക്ക​പ്പെ​ടു​മെ​ന്ന് ഒ​ട്ടും പ്ര​തീ​ക്ഷി​ച്ചി​ല്ല. അ​ക്കൗ​ണ്ടി​ലേ​ക്ക് ഒ​ഴു​കി​യെ​ത്തി​യ​ത് പ​ണം മാ​ത്ര​മ​ല്ല, അ​വ​രു​ടെ പ്രാ​ർ​ഥ​ന കൂ​ടി​യാ​ണ്. മോ​ച​നം സാ​ധ്യ​മാ​കും​വ​രെ പ്രാ​ർ​ഥ​ന തു​ട​ര​ണ​മെ​ന്നും അ​ദ്ദേ​ഹം പ​റ​ഞ്ഞു.

പ​ണം സ​മാ​ഹ​രി​ച്ചെ​ങ്കി​ലും മോ​ച​ന​ത്തി​ന് ക​ട​മ്പ​ക​ൾ ഇ​നി​യും ഏ​റെ ബാ​ക്കി​യു​ണ്ട്. പ​ണം സ​മാ​ഹ​രി​ച്ചു​തു​ട​ങ്ങി​യ​ത് മു​ത​ൽ എം​ബ​സി ഉ​ദ്യോ​ഗ​സ്ഥ​ൻ യൂ​സു​ഫ് കാ​ക്ക​ഞ്ചേ​രി​യും അ​ഷ്‌​റ​ഫ് വേ​ങ്ങാ​ട്ടും അ​ടു​ത്ത സു​ഹൃ​ത്തു​ക്ക​ളു​മാ​യും ബ​ന്ധ​പ്പെ​ട്ടി​രു​ന്നു. പ്രാ​ർ​ഥ​ന ഇ​പ്പോ​ഴും തു​ട​രു​ക​യാ​ണ്. എ​ത്ര​യും വേ​ഗം ഉ​മ്മ​യെ കാ​ണ​ണം. സ​ഹാ​യി​ച്ച മു​ഴു​വ​ൻ മ​നു​ഷ്യ​ർ​ക്കും പു​റ​ത്തു​വ​ന്ന് ന​ന്ദി പ​റ​യ​ണം. ആ​ഗ്ര​ഹം സ​ഫ​ല​മാ​കാ​ൻ ഇ​നി​യും പ്രാ​ർ​ഥി​ക്കാ​ൻ പ​റ​യ​ണ​മെ​ന്ന അ​ഭ്യ​ർ​ഥ​ന​യോ​ടെ​യാ​ണ് മ​റു​ത​ല​ക്ക​ൽ റ​ഹീ​മി​ന്റെ ഫോ​ൺ നി​ല​ച്ച​ത്.