Hala Medical Centre with Ruwi Malayali Association

മസ്‌കറ്റ്: ഒമാൻ റൂവി മലയാളി അസോസിയേഷൻ അംഗങ്ങൾക്കും അവരുടെ കുടുംബങ്ങൾക്കും കുറഞ്ഞ നിരക്കിൽ ആരോഗ്യ സേവനങ്ങൾ നൽകുന്നതിന് ഹലാ മെഡിക്കൽ സെന്റർ വാദികബീറും റൂവി മലയാളി അസോസിയേഷൻ പ്രതിനിധികളും ധാരണയിലെത്തി.

ഏറ്റവും നൂതനമായ സാങ്കേതിക ചികിത്സാ സൗകര്യങ്ങൾ ലഭ്യമാകുന്ന ഒമാനിലെ ആരോഗ്യ സേവന ദാതാക്കളായ ഹലാ മെഡിക്കൽ സെന്ററിലാണ് പദ്ധതിയുടെ ഭാഗമായി നിരക്കിളവ് ലഭ്യമാകുക. ഒമാനിലുള്ള എല്ലാ അപ്പോളോ ഹോസ്പിറ്റലുകളിലും ഈ ആനുകൂല്യങ്ങൾ ലഭ്യമാകും.

ഹലാ മെഡിക്കൽ സെന്റർ ഹോസ്പിറ്റൽ ഡയറക്ടർ ടിന്റു മാത്യു , ആർ എം എ പ്രസിഡന്റ് ഫൈസൽ ആലുവ എന്നിവർ ധാരണാ പത്രത്തിൽ ഒപ്പ് വെച്ചു. ആർ എം എ അസിസ്റ്റന്റ് ട്രഷറർ സുജിത് സുഗതൻ, ഐ ടി കോഓർഡിനേറ്റർ സച്ചിൻ എന്നിവർ സന്നിഹിതരായിരുന്നു.

കുറഞ്ഞ നിരക്കിൽ ആരോഗ്യസേവനം ലഭ്യമാക്കുന്നതിലൂടെ സാധാരണക്കാരായ പ്രവാസികളെ ചേർത്ത് നിർത്തുകയാണ് ഹലാ മെഡിക്കൽ സെന്റർ ചെയ്യുന്നതെന്നും ഇത് കുറഞ്ഞ വരുമാനക്കാരായ പ്രവാസികൾക്ക് വലിയ ആശ്വാസം നൽകുന്നതാണെന്നും ആർ എം എ ഭാരവാഹികൾ പറഞ്ഞു.

ആർ എം എ യോട് ചേർന്ന് ഇത്തരത്തിൽ കുറഞ്ഞ നിരക്കിൽ സേവനം പ്രഖ്യാപിക്കുന്നതിൽ സന്തോഷം ഉണ്ടെന്നും, എല്ലാ പ്രവാസികൾക്കും മികച്ച ആരോഗ്യ സേവനം ഉറപ്പുവരുത്തുമെന്നും, പരമാവധി നിരക്കിളവ് ലഭ്യമാക്കുമെന്നും ഹലാ മെഡിക്കൽ സെന്റർ മാനേജ്‌മെന്റ് വ്യക്തമാക്കി.

ഇതിന്റെ ആനുകൂല്യം പ്രിവിലേജ് കാർഡ് അംഗങ്ങൾക്ക് നല്കുന്നതോട് കൂടി ലഭ്യമായി തുടങ്ങുമെന്ന് ബന്ധപ്പെട്ടവർ അറിയിച്ചു. ആർ എം എ പ്രിവിലേജ് കാര്‍ഡ് ഉടമകള്‍ക്ക് വിദഗ്ധ ഡോക്ടര്‍മാരുടെ കണ്‍സള്‍ട്ടേഷന് ഫീ, ജനറൽ, സ്പെഷ്യലിസ്റ് എല്ലാ ഡിപ്പാർട്ടമെന്റ് ഇരുപതു ശതമാനം ഡിസ്‌കൗണ്ടും ഒപ്പം ഇൻപെഷന്റ റൂം താരിഫ് ഇരുപത് ശതമാനവും ലബോറട്ടറി, റേഡിയോളജി ,ഒപി ഇരുപത് ശതമാനവും ഫീസിളവും ലഭിക്കും.

⭕⭕⭕⭕⭕⭕⭕⭕⭕

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

https://www.facebook.com/MalayalamVarthakalNews