Tue Dec 12, 2023 10:56 PM 1ST
Location
Sign In
Tue Dec 12, 2023 10:56 PM 1ST
Location
Sign In
06 Jul 2025 23:55 IST
Share News :
തലയോലപ്പറമ്പ്: കോട്ടയം മെഡിക്കല്‍ കോളേജ് ആശുപത്രിയില്‍ കെട്ടിടം ഇടിഞ്ഞുവീണുണ്ടായ അപകടത്തില്‍ മരിച്ച ബിന്ദുവിന്റെ കുടുംബത്തെ സഹായിക്കാന്‍ കഴിയുന്ന എല്ലാ നടപടികളും സര്‍ക്കാര്‍ സ്വീകരിക്കുമെന്ന് കൃഷിവകുപ്പ് മന്ത്രി പി. പ്രസാദ്.ഞായറാഴ്ച വൈകിട്ട് തലയോലപ്പറമ്പ് ഉമ്മാകുന്നിലെ മേല്‍പോത്ത്കുന്നേല്‍ വീട്ടിലെത്തിയ മന്ത്രി ബിന്ദുവിന്റെ ഭര്‍ത്താവ് വിശ്രുതനെയും അമ്മ സീതാലക്ഷ്മിയെയും മക്കളെയും ആശ്വസിപ്പിച്ചു. മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്ന മകള്‍ നവമിയുടെ തുടര്‍ ചികിത്സ സര്‍ക്കാര്‍ ഏറ്റെടുത്തു നടത്തുെമെന്നും വീടിന്റെ പൂര്‍ത്തീകരണം, മകന്‍ നവനീതിന്റെ ജോലി ഇവയിലെല്ലാം അനുകൂലമായ നിലപാട് ആയിരിക്കും സര്‍ക്കാരിന്റെ ഭാഗത്തുനിന്നും ഉണ്ടാവുകയെന്നും മന്ത്രി പറഞ്ഞു. തുടര്‍നടപടികളുടെ ഭാഗമായി ബന്ധപ്പെട്ട വകുപ്പുകളില്‍നിന്നും റിപ്പോര്‍ട്ട് തേടിയിട്ടുണ്ടെന്നും ഇതിന്റെ അടിസ്ഥാനത്തില്‍ മന്ത്രിസഭ ചര്‍ച്ച ചെയ്തു തീരുമാനമെടുക്കുമെന്നും പി. പ്രസാദ് പറഞ്ഞു. സി.കെ ആശ എംഎല്‍എ യും മറ്റ് പ്രാദേശിക നേതാക്കളും മന്ത്രിയോടൊപ്പം എത്തിയിരുന്നു.
Follow us on :
Tags:
More in Related News
Please select your location.
.jpg)
