ജില്ല സബ്ബ് ജൂനിയർ വോളിബോൾ : സാന്ദീപനി വള്ളിക്കുന്നും ബോധി താനൂരും ചാമ്പ്യന്മാർ

24 Dec 2024 15:52 IST

Share News :

District Sub Junior Volleyball : Sandipani Vallikunnu and Bodhi Thanur Champions

മലപ്പുറം ജില്ല വോളിബോൾ അസോസിയേഷൻ അപ്പോളോ വള്ളിക്കുന്നിൻ്റെ സഹകരണത്തോടെ വള്ളിക്കുന്ന് പഞ്ചായത്ത് മിനി സ്റ്റേഡിയത്തിൽ നടത്തിയ ജില്ല സബ്ബ് ജൂനിയർ വോളിബോൾ ചാമ്പ്യൻഷിപ്പിൽ പെൺകുട്ടികളുടെ വിഭാഗത്തിൽ എം.വി.ഹയർ സെക്കണ്ടറി സ്കൂൾ അരിയല്ലൂരിനെ ഒന്നിന്നെതിരെ മൂന്ന് സെറ്റുകൾക്ക് പരാജയപ്പെടുത്തി വള്ളിക്കുന്ന് സാന്ദീപനി വിദ്യാനികേതൻ ചാമ്പ്യന്മാരായി . സ്കോർ 25-23 , 20-25 ,25-16,25-21. ആൺകുട്ടികളുടെ വിഭാഗത്തിൽ അപ്പോളോ വള്ളിക്കുന്നിനെ രണ്ടിന്നെതിരെ മൂന്ന് സെറ്റുകൾക്ക് പരാജയപ്പെടുത്തിയാണ് ബോധി താനൂർ ജേതാക്കളായത്. സ്കോർ22-25, 25 - 18, 12-25, 25-9, 15 - 13.

രാവിലെ നടന്ന ഉദ്ഘാടന ചടങ്ങിൽ വോളിബോൾ ഫെഡറേഷൻ ഓഫ് ഇന്ത്യ മുൻ അസോസ്സിയേറ്റ് സെക്രട്ടറി പ്രൊഫ: നാലകത്ത് ബഷീർ ചാമ്പ്യൻഷിപ്പിൻ്റെ ഉദ്ഘാടനം നിർവ്വഹിച്ചു. ജില്ലയുടെ വിവിധഭാഗങ്ങളിൽ നിന്നായി 28 ടീമുകൾ ചാമ്പ്യൻഷിപ്പിൽ പങ്കെടുത്തു.

വിജയികൾക്കുള്ള ട്രോഫികൾ കേരള സ്റ്റേറ്റ് വോളിബോൾ അസോസിയേഷൻ ജോയൻ്റ് സെക്രട്ടറി ബാബു പാലാട്ട്, ജില്ല വോളിബോൾ അസോസിയേഷൻ പ്രസിഡണ്ട് എം. പ്രേമൻ എന്നിവർ സമ്മാനിച്ചു. ജില്ല വോളി ബോൾ അസോസിയേഷൻ ഭാരവാഹികളായ മുരളീധരൻ പാലാട്ട് കെ.കെ. സുകുമാരൻ പി. ഹുസൈയിൻ ,എം. അരവിന്ദാക്ഷൻ, എം. കോമള രാജൻ , കെ. ശശിധരൻ, കെ. കുഞ്ഞിക്കോയ എന്നിവർ സംബന്ധിച്ചു.സംഘാടക സമിതി ചെയർമാൻ സുരേശൻ ,സി . സ്വാഗതവും സെക്രട്ടറി എം.ഗിരീഷ് നന്ദിയും പറഞ്ഞു.

Tags: