Buraimi Pravasi Literature | Enlight News Portal

ബുറൈമി: ബുറൈമി കലാലയം സാംസ്കാരിക വേദിയുടെ ആഭിമുഖ്യത്തിൽ സംഘിടിപ്പിച്ച പതിനഞ്ചാമത് എഡിഷൻ പ്രവാസി സാഹിത്യോത്സവ് പ്രൗഢമായി സമാപിച്ചു. 'വേരിറങ്ങിയ വിത്തുകൾ' എന്ന പ്രമേയത്തിൽ സംഘടിപ്പിച്ച പരിപാടി സൈനുദ്ദീൻ ബാഖവി ഒതളൂർ ഉദ്ഘാടനം ചെയ്തു. ഖദറ, സാറ, ഹമാസ യൂനിറ്റുകൾ യഥാക്രമം ഒന്ന് രണ്ട് മൂന്ന് സ്ഥാനങ്ങൾ കരസ്ഥമാക്കി.

ഹാമസ, സാറ, ഖദറ, അലി സൈഫ് യൂനിറ്റ് സാഹിത്യോത്സവുകളിലെ പ്രതിഭകളാണ് സെക്ടർ ഘടകത്തിൽ മാറ്റുരച്ചത്. ബുറൈമി മർകസിൽ നടന്ന പരിപാടിയിൽ നാൽപതോളം മത്സര ഇനങ്ങളിൽ നൂറോളം മത്സരാർത്ഥികൾ പങ്കെടുത്തു. നാദിയ മൊയ്തീൻ സർഗ്ഗ പ്രതിഭയായും ആദിൽ അഷ്റഫ് കലാപ്രതിഭയായും തെരഞ്ഞെടുക്കപ്പെട്ടു

വേരിറങ്ങിയ വിത്തുകൾ എന്ന പ്രമേയത്തിൽ നടന്ന ചർച്ചയിൽ സുബൈർ മുക്കം, റസാഖ് കോട്ടക്കൽ, പ്രസന്നൻ തളിക്കുളം, ഹുബൈൽ അൽ സലാമ ട്രാവൽസ്, ഫളലു റഹ്മാൻ മാസ്റ്റർ എന്നിവർ പങ്കെടുത്തു. ഐ സി എഫ് ബുറൈമി റീജിയൺ ജനറൽ സെക്രട്ടറി അഹ്മദ് കുട്ടി മാസ്റ്റർ മോഡറേറ്റർ ആയി.

സെക്ടർ ചെയർമാൻ ഷബീർ സഖാഫിയുടെ അധ്യക്ഷതയിൽ നടന്ന സാംസ്കാരിക സമ്മേളനം ആർ എസ് സി നാഷനൽ ചെയർമാൻ വി എം ശരീഫ് സഅദി മഞ്ഞപ്പറ്റ ഉദ്ഘാടനം ചെയ്തു. നാഷനൽ ഫിനാൻസ് സെക്രട്ടറി മുസ്തഫ വടക്കേക്കാട്, സഹൽ പാനൂർ, ഫൈസൽ ബായാർ, ഹംസ സഅദി എന്നിവർ സംസാരിച്ചു. ഹാഫിസ് അമീൻ മിസ്ബാഹി സ്വാഗതവും നൗഫൽ സൊങ്കൽ നന്ദിയും പറഞ്ഞു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕