ബൗഷർ കപ്പ് 6-ാം സീസൺ - ടോപ്പ് ടെൻ ബർക ജേതാക്കൾ

10 Dec 2025 13:22 IST

Share News :

മസ്‌കറ്റ്: ഒമാനിലെ മലയാളി സമൂഹത്തിൽ ഏറെ ജനപ്രീതി നേടിയ സെവൻസ് ഫുട്ബോൾ ടൂർണമെന്റുകളുടെ നിരയിൽ ഒന്നായ ബൗഷർ കപ്പ് ഫുട്ബോൾ ടൂർണമെന്റിന്റെ ആറാമത് പതിപ്പ് ആവേശഭരിതമായ മത്സരങ്ങളോടെ സമാപിച്ചു. ഒമാനിലെ വിവിധ ഭാഗങ്ങളിൽ നിന്ന് എത്തിയ 16 ടീമുകൾ സമ്മാനിച്ച മികവുറ്റ പ്രകടനങ്ങൾ കായികപ്രേമികൾക്ക് ആവേശജനകമായ നിമിഷങ്ങൾ സമ്മാനിച്ചു.

കലാശ പോരാട്ടത്തിൻ്റെ ആവേശം നിറഞ്ഞ ഫൈനൽ മത്സരത്തിൽ ടോപ്പ് ടെൻ ബർക ഉജ്ജ്വല വിജയം നേടി. ആവേശം നിറഞ്ഞു നിന്ന മത്സരത്തിൽ നേതാജി എഫ്.സി.യെ എതിരില്ലാത്ത ഒരു ഗോളിനാണു ടോപ്പ് ടെൻ ബർക പരാജയപ്പെടുത്തിയത്. നെസ്റ്റോ FC മൂന്നാം സ്ഥാനവും യുണൈറ്റഡ് FC നാലാം സ്ഥാനവും കരസ്ഥമാക്കി.

ടൂർണമെന്റിലെ മികച്ച പ്രകടനങ്ങളെ അടിസ്ഥാനമാക്കി വ്യക്തിഗത അവാർഡുകളും പ്രഖ്യാപിച്ചു. പ്ലയർ ഓഫ് ദി ടൂർണമെന്റ് ആയി നേതാജി FC-യുടെ നിഹാൽ തിരഞ്ഞെടുക്കപെട്ടപ്പോൾ, ടോപ് സ്കോറർ, മാൻ ഓഫ് ദി മാച്ച് (ഫൈനൽ) എന്നീ ബഹുമതികൾ ടോപ്പ് ടെൻ ബർകയുടെ ആഷിക് സ്വന്തമാക്കി. മികച്ച ഗോൾകീപ്പർ പുരസ്കാരം നേതാജി എഫ്.സി-യുടെ റംഷീദിനും, മികച്ച ഡിഫൻഡർ അവാർഡ് ടോപ്പ് ടെൻ ബർകയുടെ അഫ്സലിനും ലഭിച്ചു. ഫൈനലിലെ മികച്ച ഗോൾകീപ്പർ ആയി ടോപ്പ് ടെൻ ബർകയുടെ സുഭീഷ് തിരഞ്ഞെടുക്കപ്പെട്ടു. എമർജിംഗ് പ്ലേയർ ആയി മഞ്ഞപ്പട എഫ്.സി-യുടെ ജോഹൻ പ്രഖ്യാപിക്കപ്പെട്ടു.

വിജയികൾക്ക് ട്രോഫികൾ മലയാളം മിഷൻ ഒമാൻ ചാപ്റ്റർ സെക്രട്ടറി അനു ചന്ദ്രൻ, ഇന്ത്യൻ സ്കൂൾ ഡയറക്ടർ ബോർഡ് അംഗം നിധീഷ് കുമാർ, നിഷാന്ത് ചന്ദ്രൻ, റെജു മരക്കാത്ത് എന്നിവർ വിതരണം ചെയ്തു. ടൂർണമെന്റിനോടനുബന്ധിച്ച് വനിതകൾക്കായി സംഘടിപ്പിച്ച പെനാൽട്ടി ഷൂട്ടൗട്ട് മത്സരം പരിപാടിക്ക് കൂടുതൽ ആവേശം പകർന്നു.

ടൂർണമെന്റിന് രഞ്ജു അനു, ഗംഗാധരൻ, ജഗദീഷ് കീരി, വിജയൻ കരുമാണ്ടിയിൽ എന്നിവർ നേതൃത്വം നൽകി. ഈ വർഷവും സെവൻസ് ഫുട്ബോളിലെ കഴിവുറ്റ താരങ്ങളെ കണ്ടെത്താനും ആരാധകരുടെ നിറഞ്ഞ പങ്കാളിത്തത്തോടെ ബൗഷർ കപ്പ് 2025-നെ ഒരു വലിയ കായികോത്സവമാക്കി മാറ്റാനായി എന്ന് സംഘാടക സമിതി ഭാരവാഹികളായ ബിജോയ് പാരാട്ട്, സന്തോഷ് എരിഞ്ഞേരി എന്നിവർ അഭിപ്രായപ്പെട്ടു.

മത്സരങ്ങളിൽ സഹകരിച്ച എല്ലാ ടീമുകൾക്കും, പ്രവർത്തകർക്കും, സ്പോൺസർമാർക്കും സംഘാടകസമിതി ഹൃദയം നിറഞ്ഞ നന്ദി അറിയിച്ചു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags:

Bowser Cup 6th Season - Top Ten Burkha Winners