'Back to old games' event organised

ഉദുമ: പുതു തലമുറയിലെ കുട്ടികള്‍ ഡിജിറ്റല്‍ ഗെയിംസിലും മയക്കുമരുന്നിനും മൊബൈല്‍ ഫോണിന്റെ അമിതമായ ഉപയോഗം കുറയ്ക്കുന്നതിനുമായി അന്തര്‍ ദേശീയ വനിതാ ദിനത്തോടനുബന്ധിച്ച് കേരള വ്യാപാരി വ്യവസായി എകോപന സമിതി കോട്ടിക്കുളം പാലക്കുന്ന് വനിതാ വിങ്ങിന്റെ നേതൃത്വത്തില്‍ കോട്ടിക്കുളം ഗവ. യു പി സ്‌കൂളില്‍ പഴമയിലെ കളികളിലേക്ക് തിരിച്ചു പോക്ക് എന്ന പരിപാടി സംഘടിപ്പിച്ചു. കൊത്തം കല്ല്, മഞ്ചാടിക്കളി, കുട്ടീം കോലും, കോരി, ഈര്‍ക്കിളി ക്കളി തുടങ്ങിയ പഴയ കാല കളികളാണ് കുട്ടികളെ പരിചയപെടുത്തി കൊടുത്തത്. വേനലവധിക്കാലത്ത് വീടുകളില്‍ കഴിയുന്ന കുട്ടികള്‍ക്ക് പഴയ കാല കളികളില്‍ ഏര്‍പ്പെട്ട് മറ്റ് ലഹരി വസ്തുക്കളുടെയും മൊബൈല്‍ ഫോണിന്റെ അമിത ഉപയോഗം കുറക്കാന്‍ ഇതിലൂടെ സാധിക്കുമെന്ന് വനിതാ വിംങ്ങ് ഭാരവാഹികള്‍ പറഞ്ഞു. വനിതാ വിംങ്ങ് പ്രവര്‍ത്തകരും അധ്യാപകരും പരിപാടികള്‍ക്ക് നേതൃത്വം നല്‍കി. സ്‌കൂളില്‍ നടന്ന ചടങ്ങില്‍ കൊത്തം കല്ലും മഞ്ചാടികളിച്ചും വനിതാ വിംങ്ങ് ജില്ലാ പ്രസിഡന്റ് രേഖ മോഹന്‍ദാസ് ഉദ്ഘാടനം ചെയ്തു. വനിതാ വിംങ്ങ് യൂണിറ്റ് പ്രസിഡന്റ് റീത്ത പത്മരാജ് അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി സരിജ ബാബു മുഖ്യാത്ഥിതിയായി. കെവിവിഇഎസ് കോട്ടിക്കുളം പാലക്കുന്ന് യൂണിറ്റ് പ്രസിഡന്റ് എം എസ് ജംഷിദ് കുട്ടികള്‍ക്കുള്ള ഉപഹാരങ്ങള്‍ വിതരണം ചെയ്തു. പ്രധാനധ്യാപിക ഇന്‍ ചാര്‍ജ് അങ്കിത, വനിതാ വിംങ്ങ് കോര്‍ഡിനേറ്റര്‍ മുരളി പള്ളം, യൂത്ത് വിംങ്ങ് ജില്ലാ വൈസ് പ്രസിഡന്റ് സമീര്‍ എന്നിവര്‍ സംസാരിച്ചു. വനിതാ വിംങ്ങ് യൂണിറ്റ് വൈസ് പ്രസിഡന്റ് ജയന്തി അശോകന്‍ സ്വാഗതവും ട്രഷറര്‍ ധനുഷ സതീഷ് നന്ദിയും പറഞ്ഞു.