തലയോലപ്പറമ്പിൽ ബ്രേക്കിട്ട കാറിന് പിന്നിൽ ലോറികളും ബസ്സും കൂട്ടിയിടിച്ച് അപകടം; നാല് പേർക്ക് പരിക്ക്.

26 Nov 2024 17:02 IST

Share News :

A collision between a lorry and a bus at the back of the car; four people were injured.

തലയോലപ്പറമ്പ്: ഉൾ റോഡിലേക്ക് തിരിയുന്നതിനായി പെട്ടെന്ന് ബ്രേക്കിട്ട കാറിന് പിന്നിൽ ലോറികളും ബസ്സും കൂട്ടിയിടിച്ച് അപകടത്തിൽ ബസ് യാത്രികരായ നാല് പേർക്ക് പരിക്ക്. ചൊവ്വാഴ്ച ഉച്ചയ്ക്ക് 1 മണിയോടെ സിലോൺ കവല ജംഗ്ഷനിലാണ് അപകടം.കോട്ടയം ഭാഗത്ത് നിന്നും വന്ന കാർ സിലോൺ കവല ജംഗ്ഷനിൽ എത്തിയപ്പോൾ

ബ്രേക്കിട്ട് പൊട്ടന്ന് തിരിക്കുന്നതിനിടെ പാലക്കാട്ട് നിന്നും ചരക്കുമായി പിന്നാലെ എത്തിയ ലോറി ഇടിക്കുകയായിരുന്നു. ഇതിനിടെ തൃപ്പൂണിത്തറയിലേക്ക് കാലിഗ്യാസ് സിലിണ്ടറുകളുമായി പോകുകയായിരുന്ന ലോറി ചരക്ക് ലോറിക്ക് പിന്നിൽ ഇടിക്കുകയായിരുന്നു. ഇത് ശ്രദ്ധിക്കാതെ കോട്ടയത്ത് നിന്നും എറണാകുളത്തേക്ക് പോകുകയായിരുന്ന ആവേ മരിയ ലിമിറ്റഡ് സ്റ്റോപ്പ് ബസ് ഗ്യാസ് ലോറിക്ക് പിന്നിൽ ഇടിച്ചു കയറിയത്. ഇടിയുടെ ആഘാതത്തിൽ ബസിനുള്ളിൽ തന്നെ തെറിച്ച് വീണാണ് യാത്രക്കാർക്ക് പരിക്കേറ്റത്.പരിക്കേറ്റ നാല് പേരെ ആശുപത്രിയിലേക്ക്‌ മാറ്റി. ഇതിൽ സാരമായി പരിക്കേറ്റ തലയോലപ്പറമ്പ് ചരുവം കാലായിൽ ഗിരിജാകുമാരി (54) യെ മുട്ടുചിറയിലെ സ്വകാര്യാ ആശുപത്രിയിൽ പ്രവേശിപ്പിച്ചു. അപകടത്തെ തുടർന്ന് തലയോലപ്പറമ്പ്- കടുത്തുരുത്തി പ്രധാന റോഡിൽ 45 മിനിട്ടോളം ഗതാഗതം തടസ്സപ്പെട്ടു. തലയോലപ്പറമ്പ് എസ്.ഐ പി.എസ് സുധീരൻ, സീനിയർ സിവിൽ പോലീസ് ഓഫീസർ അഭിലാഷ് എന്നിവർ എത്തിയാണ് രക്ഷാപ്രവർത്തനം നടത്തി റോഡിൽ ഗതാഗതം പുനസ്ഥാപിച്ചത്.

Tags:

തലയോലപ്പറമ്പിൽ ബ്രേക്കിട്ട കാറിന് പിന്നിൽ ലോറികളും ബസ്സും കൂട്ടിയിടിച്ച് അപകടം; നാല് പേർക്ക് പരിക്ക്. വൈക്കം വാർത്ത