343-ാം ശ്രാദ്ധപ്പെരുന്നാൾ 24- ന്

പറവൂർ സെയ്ന്റ് തോമസ് യാക്കോബായ സുറിയാനി പള്ളിയിൽ കബറടങ്ങിയിട്ടുള്ള പരിശുദ്ധ അബ്ദുൾ ജലീൽ മാർ ഗ്രിഗോറിയോസ് ബാവയുടെ 343-ാം ശ്രാദ്ധപ്പെരുന്നാൾ 24- ന് തുടങ്ങുമെന്ന് വികാരി ഫാ. വർഗീസ് പൈനാടത്ത് വാർത്താസമ്മേളനത്തിൽ അറിയിച്ചു.

വൈകീട്ട് 5.30-ന് കൊടിയേറ്റും. കൊടിയേറ്റിനു മുന്നോടിയായി പരിശുദ്ധന്റെ കബറിങ്കൽ വിശുദ്ധ കുർബാന അർപ്പിക്കും. ആറിന് സന്ധ്യാപ്രാർഥന. 25-ന് രാവിലെ എട്ടിന് വിശുദ്ധ കുർബാന. വൈകീട്ട് 5.30-ന് സന്ധ്യാ പ്രാർഥന. ഏഴിന് ഭക്തസംഘടന കളുടെ വാർഷികം.

26-ന് രാവിലെ എട്ടിന് വിശുദ്ധ അഞ്ചിന്മേൽ കുർബാന. വൈകീട്ട് ആറിന് സന്ധ്യാ പ്രാർഥന. ഏഴിന് നമ്പൂരിയച്ചൻ ആൽ - പരിസരത്ത് എത്തിച്ചേരുന്ന കാൽനട തീർഥയാത്ര സംഘത്തെ പള്ളിയിൽനിന്നും വിശ്വാ സികളെത്തി സ്വീകരിച്ച് ആനയിക്കും. തുടർന്ന് സൂത്താറ പ്രാർഥനയും, നഗരംചുറ്റി പ്രദക്ഷിണവും. 27 നാണ് ശ്രാദ്ധപ്പെരുന്നാൾ. രാവിലെ 6.30-ന് കബറിങ്കൽ വിശുദ്ധ കുർബാന. ഒൻപതിന് വിശുദ്ധ മൂന്നിന്മേൽ കുർബാന. 12 മണിക്ക് നേർച്ചസദ്യ ആരംഭിക്കും. ഇക്കുറി അൻപതിനായിരം വിശ്വാസികൾക്കുള്ള നേർച്ചസദ്യയാണ് ഒരുക്കുന്നത്. സഹവികാരി ഫാ. എൽദോ വർഗീസ് തൈപ്പറമ്പിൽ, സെക്രട്ടറി നിബു കുര്യൻ അംബൂക്കൻ, ജോയിന്റ് ജനറൽ കൺവീനർ ഇ.എ. ജേക്കബ് ഈരാളിൽ, രഞ്ജൻ എബ്രഹാം അംബൂക്കൻ, ഏലിയാസ് പുതുശ്ശേരി, റിജോ പാറയ്ക്കൽ, പി.എ. പോൾ, ജോയ് പാടത്തുപറമ്പിൽ, ജെയ്‌സൺ ജോയ് എന്നിവർ വാർത്താ സമ്മേളനത്തിൽ പങ്കെടുത്തു.