Vaikom Block Panchayat Investor Meet to be held tomorrow (November 12 ); Minister V.N. Vasavan will inaugurate.

വൈക്കം: വൈക്കം ബ്ലോക്ക് പഞ്ചായത്ത് സംഘടിപ്പിക്കുന്ന നിക്ഷേപ സംഗമം നാളെ (നവംബർ 12)ചൊവ്വാഴ്ച നടക്കും. വൈക്കം വലിയകവയിലെ വൈറ്റ് ഗേറ്റ് റസിഡൻസിയിൽ രാവിലെ 10ന് നിക്ഷേപസംഗമം സഹകരണ വകുപ്പു മന്ത്രി വി.എൻ. വാസവൻ ഉദ്ഘാടനം ചെയ്യും. സി.കെ. ആശ എം.എൽ.എ. അധ്യക്ഷയാകും. നഗരസഭാധ്യക്ഷ പ്രീതാ രാജേഷ് മുഖ്യപ്രഭാഷണം നടത്തും. ബ്ലോക്ക് പഞ്ചായത്ത് പ്രസിഡന്റ് അഡ്വ. കെ.കെ. രഞ്ജിത്ത്, തദ്ദേശസ്വയംഭരണവകുപ്പ് ജോയിന്റ് ഡയറക്ടർ ബിനു ജോൺ, ജില്ലാ പ്ലാനിങ് ഓഫീസർ എം.പി. അനിൽകുമാർ, ജില്ലാ ടൂറിസം പ്രമോഷൻ കൗൺസിൽ സെക്രട്ടറി ആതിര സണ്ണി, വ്യവസായ വികസന ഓഫീസർ സി.കെ. അമ്പിളി എന്നിവർ പങ്കെടുക്കും. തുടർന്ന് വി.ആർ. രാകേഷ്, പി.എസ്. ഗിരീഷ്, റ്റി.എസ്. ചന്ദ്രൻ, കെ. രൂപേഷ് കുമാർ, എന്നിവർ ക്ലാസെടുക്കും. പ്രമുഖ വ്യവസായികളായ റ്റി.എസ്. ഉദയൻ, വി.കെ. മുരളീധരൻ, അബ്ദുൾ ഹാരിസ്, വിധു രാജീവ് എന്നിവർ സംരംഭക അനുഭവങ്ങൾ പങ്കുവയ്ക്കും. വൈകിട്ട് 4ന് സമാപന സമ്മേളനം വ്യവസായ വകുപ്പു മന്ത്രി പി. രാജീവ് ഉദ്ഘാടനം ചെയ്യും. മികച്ച സംരംഭകരെ ചടങ്ങിൽ ആദരിക്കും. നിക്ഷേപകരുടെ പ്രഖ്യാപനം നടക്കും. ജില്ലാ കളക്ടർ ജോൺ വി. സാമുവൽ മുഖ്യപ്രഭാഷണം നടത്തും. കേരള കയർ തൊഴിലാളി ക്ഷേമനിധി ബോർഡ് ചെയർമാൻ കെ.കെ. ഗണേശൻ, ബ്ലോക്ക് പഞ്ചായത്ത് പ്രസിഡന്റ് അഡ്വ. കെ.കെ. രഞ്ജിത്ത്, ജില്ലാ പഞ്ചായത്ത് സ്ഥിരംസമിതി അധ്യക്ഷ പി.എസ്. പുഷ്പമണി, ജില്ലാ പഞ്ചായത്തംഗം ഹൈമി ബോബി, നഗരസഭ വൈസ് ചെയർമാൻ പി.റ്റി. സുഭാഷ്, വിവിധ ഗ്രാമപഞ്ചായത്ത് പ്രസിഡന്റുമാർ, ബ്ലോക്ക് പഞ്ചായത്ത് വൈസ് പ്രസിഡന്റ് സുലോചന പ്രഭാകരൻ, ബ്ലോക്ക് പഞ്ചായത്ത് സ്ഥിരംസമിതി അധ്യക്ഷന്മാർ തുടങ്ങിയവർ പങ്കെടുക്കും. വ്യവസായ,ടൂറിസം വകുപ്പുകളുടെ സഹകരണത്തോടെയാണ് നിക്ഷേപക സംഗമം സംഘടിപ്പിക്കുന്നത്.