വൈക്കത്ത് മുൻ വൈരാഗ്യത്തെ തുടർന്ന് യുവാവിനെ വീട്ടിൽ കയറി ആക്രമിച്ചു.

13 Jan 2025 19:33 IST

Share News :

Vaikkath entered the house and assaulted the young man due to previous enmity.

വൈക്കം: മുൻ വൈരാഗ്യത്തെ തുടർന്ന് യുവാവിനെ വീട്ടിൽ അതിക്രമിച്ചു കയറി ആക്രമിച്ച കേസിൽ രണ്ടുപേരെ പോലീസ് അറസ്റ്റ് ചെയ്തു. ഉദയനാപുരം ഇരുമ്പുഴിക്കര കിഴക്കേമാളിയേൽ വീട്ടിൽ കുക്കു എന്ന് വിളിക്കുന്ന രാഹുൽ (33), ഉദയനാപുരം ഇരുമ്പുഴിക്കര കണ്ണൻകേരിൽ വീട്ടിൽ ശങ്കരൻ എന്ന് വിളിക്കുന്ന ശ്രീകാന്ത്(36) എന്നിവരെയാണ് വൈക്കം പോലീസ് അറസ്റ്റ് ചെയ്തത്. ഇരുവരും ചേർന്ന് കഴിഞ്ഞദിവസം ചെമ്മനത്തുകര കൽപ്പകശ്ശേരി ഭാഗത്തുള്ള യുവാവിനെ വീട്ടിൽ അതിക്രമിച്ചു കയറി ചീത്ത വിളിക്കുകയും, മർദ്ദിക്കുകയും, ആയുധം ഉപയോഗിച്ച് ആക്രമിച്ച് പരിക്കേൽപ്പിച്ച ശേഷം അവിടെ നിന്നും കടന്നുകളയുകയുമായിരുന്നു. യുവാവിനോടുള്ള മുൻവിരോധമാണ് ആക്രമണത്തിന് പിന്നിൽ. പരാതിയെ തുടർന്ന് വൈക്കം പോലീസ് കേസ് രജിസ്റ്റർ ചെയ്യുകയും

വൈക്കം സ്റ്റേഷൻ എസ്.ഐ ജയകൃഷ്ണ‌ൻ്റെ നേതൃത്വത്തിൽ നടത്തിയ തിരച്ചിലിൽ ഇരുവരെയും പിടികൂടുകയുമായിരുന്നു.

രാഹുൽ വൈക്കം, മണ്ണഞ്ചേരി എന്നീ സ്റ്റേഷനുകളിലെയും ശ്രീകാന്ത് വൈക്കം സ്റ്റേഷനിലെയും ക്രിമിനൽ കേസുകളിൽ പ്രതിയാണെന്ന് പോലീസ് പറഞ്ഞു. കോടതിയിൽ ഹാജരാക്കിയ ഇരുവരെയും റിമാൻഡ് ചെയ്‌തു.

Tags:

വൈക്കത്ത് മുൻ വൈരാഗ്യത്തെ തുടർന്ന് യുവാവിനെ വീട്ടിൽ കയറി ആക്രമിച്ചു.

More in Related News