കലാമാധുര്യത്തിന്റെ വസന്തം തീർത്ത് കടുത്തുരുത്തി ഗവ. വി.എച്ച്.എസ്.എസിലെ 'ഇക്താര-2026' കലോത്സവത്തിന് തുടക്കമായി

The spring of artistic sweetness is over and hardened by the Govt. VHSS launches' Iktara-2026 'art festival

കടുത്തുരുത്തി: സർഗ്ഗാത്മകതയുടെയും പ്രതിഭയുടെയും പൂക്കാലം തീർത്ത് കടുത്തുരുത്തി ഗവൺമെന്റ് വി.എച്ച്.എസ്. സ്കൂൾ കലോത്സവം 'ഇക്താര-2026'-ന് തിരിതെളിഞ്ഞു. കുട്ടികളുടെ കലാവാസനകൾക്ക് വേദിയൊരുക്കുന്ന ഈ സവിശേഷ മേള വിദ്യാലയാങ്കണത്തിൽ ഉത്സവച്ഛായയാണ് പകർന്നുനൽകിയിരിക്കുന്നത്.

സ്കൂൾ ആഡിറ്റോറിയത്തിൽ നടന്ന ചടങ്ങിൽ പിടിഎ പ്രസിഡന്റ് സുരേഷ് കുമാർ വി.എൻ. അധ്യക്ഷത വഹിച്ചു. ജില്ലാ പഞ്ചായത്ത് മെമ്പർ കുമാരി ആൻ മരിയ ജോർജ് കലോത്സവത്തിന്റെ ഔദ്യോഗിക ഉദ്ഘാടനം നിർവഹിച്ചു. ഫ്ലവേഴ്സ് ടോപ്പ് സിംഗർ ഫൈവ് ഫെയിം മൈഥിലി ശ്യാം ചടങ്ങിൽ മുഖ്യാതിഥിയായി പങ്കെടുത്ത് സദസ്സിന് ആവേശം പകർന്നു.

ചടങ്ങിൽ പ്രധാന അധ്യാപിക ഡോ. ഷംല യു. സ്വാഗതം പറഞ്ഞ യോഗത്തിൽ കടുത്തുരുത്തി ഗ്രാമപഞ്ചായത്ത് പ്രസിഡന്റ് അഡ്വ. റോയ് ജോർജ് വെട്ടിക്കത്തടം മുഖ്യപ്രഭാഷണം നടത്തി.സ്കൂൾ പ്രിൻസിപ്പൽ ജോബി വർഗീസ്, ഗ്രാമപഞ്ചായത്ത് മെമ്പർ ജിൻസി എലിസബത്ത്, സ്കൂൾ ലീഡർ മാസ്റ്റർ അതുൽ കൃഷ്ണ, സ്കൂൾ ചെയർപേഴ്സൺ കുമാരി അൽക്ക മോൾ രാജു എന്നിവർ ആശംസകൾ അർപ്പിച്ചു സംസാരിച്ചു. അച്ചടങ്ങിൽ കുട്ടികളെ ആദരിച്ചു....

ഉദ്ഘാടനച്ചടങ്ങിന് പിന്നാലെ കുട്ടികളുടെ വിവിധ കലാമത്സരങ്ങൾക്ക് തുടക്കമായി. നാടൻപാട്ടുകളും നൃത്തച്ചുവടുകളും സംഗീതവും കൊണ്ട് സമ്പന്നമായ വിവിധ വേദികളിൽ കുട്ടികൾ മാറ്റുരച്ചുതുടങ്ങിയതോടെ ക്യാമ്പസ് അങ്ങേയറ്റം സജീവവും ഊർജ്ജസ്വലവുമായി മാറി. കലയുടെ കൊടിപ്പടം ഉയർത്തിയ 'ഇക്താര-2026' വിദ്യാലയത്തിന്റെ ചരിത്രത്തിൽ മറ്റൊരു സുവർണ്ണ അധ്യായമായി മാറുകയാണ്......