ദ കേരള സമ്മിറ്റ് ഒക്ടോബറിൽ

കോഴിക്കോട്: മൂന്ന് ദിവസത്തെ സർഗ്ഗാത്മക ശാക്തീകരണ പരിപാടിയായ കേരളാ സമ്മിറ്റ് 2024 October 12,13,14 എന്നീ തീയതികളിൽ കോഴിക്കോട് ബീച്ചിൽ വെച്ച് നടക്കും. ലോഗോ പ്രകാശനം എം കെ രാഘവൻ എംപി നിർവഹിച്ചു. ഈ പരിപാടിയിൽ ലോകപ്രശസ്തരായ ഇന്ത്യയിലെയും വിദേശത്തെയും സോഷ്യൽ മീഡിയ കണ്ടന്റ് ക്രിയേറ്റർമാരെ ഒരു കുടക്കീഴിൽ കൊണ്ടുവരാൻ ഈ ഇവൻ്റ് ലക്ഷ്യമിടുന്നു.

വർക്ക്‌ഷോപ്പുകൾ, മത്സരങ്ങൾ, നെറ്റ്‌വർക്കിംഗ്:

ഈ സമ്മിറ്റിൽ 150-ലധികം പ്രശസ്തരായ കണ്ടെന്റ് ക്രിയേറ്ററുമാർ അവരുടെ അനുഭവങ്ങൾ പങ്കുവയ്ക്കുകയും , 6000 ൽ അധികം ആളുകൾ പങ്കെടുക്കുകയും ചെയ്യും,കൂടാതെ വർക്ക്‌ഷോപ്പുകൾ, മത്സരങ്ങൾ, നെറ്റ്‌വർക്കിംഗ് സെഷനുകൾ എന്നിവയും ഉൾപ്പെടുന്നു. പങ്കെടുക്കുന്നവർക്ക് അവരുടെ കഴിവുകൾ പ്രകടിപ്പിക്കാനും സോഷ്യൽ മീഡിയ കണ്ടന്റ് ക്രിയേഷനെ കുറിച്ച് കൂടുതൽ പഠിക്കാനും പുതിയ അറിവുകൾ നേടാനും അവസരമൊരുക്കുന്നു .

പുറത്തുനിന്നുവരുന്ന സോഷ്യൽ മീഡിയ ഇൻഫ്ലുവൻസേഴ്സിന് കേരളത്തിൻ്റെ സൗന്ദര്യം ആസ്വാധിക്കാനും അത് അടുത്തറിയാനും അവസരമൊരുങ്ങുയും ചെയ്യുന്നു.

സർഗ്ഗാത്മകതയെ ശാക്തീകരിക്കുന്നതിനും നവീകരണത്തിന് പ്രചോദനം നൽകുന്നതിനും സോഷ്യൽ മീഡിയ കണ്ടന്റ് ക്രിയേറ്റർ മാർക്ക് തമ്മിൽ ബന്ധപ്പെടുന്നതിനും വളരുന്നതിനുമുള്ള ഒരു വേദി പ്രദാനം ചെയ്യുന്നതിനുമായാണ് 2024 ദ കേരള സമ്മിറ്റ് രൂപകൽപ്പന ചെയ്‌തിരിക്കുന്നത്.

Tags: