Thayolaparamba Tirupuram Sreekrishnaswamy Temple hoisted the flag for the festival; famous Tirupuram Dayalapuram on the 25th.

തലയോലപ്പറമ്പ്: തലയോലപ്പറമ്പ് തിരുപുരം ശ്രീ കൃഷ്ണ‌ സ്വാമി ക്ഷേത്രത്തിൽ ഉത്സവത്തിന് കൊടിയേറി. രാവിലെ 9.30നും 10.30നും മദ്ധ്യേ

തന്ത്രി മനയത്തായത്താറ്റ് മന ചന്ദ്രശേഖരൻ നമ്പൂതിരിയുടെ സാന്നിധ്യത്തിൽ ഹരികൃഷ്ണൻ നമ്പൂതി കൊടിയേറ്റ് കർമ്മം നിർവ്വഹിച്ചു. ക്ഷേത്രോപദേശക സമിതി പ്രസിഡൻ്റ് ബി.അജിത്, വൈസ് പ്രസിഡൻ്റ് കെ.ബി മധുസൂദനൻ നായർ, സെക്രട്ടറി എസ്.ശ്രീജിത്ത് ക്ഷേത്രോപദേശക സമിതി ഭാരവാഹികൾ തുടങ്ങിയവർ ചടങ്ങുകൾക്ക് നേതൃത്വം നൽകി.

വൈകിട്ട് 7ന് സംഗീതസന്ധ്യ, 9.30 ന് കൊടിക്കീഴിൽ വിളക്ക് എന്നിവ നടക്കും. 20ന് രാവിലെ 11ന് ഉത്സവബലി, വൈകിട്ട് ഏഴിന് മേജർസെറ്റ് കഥകളി. 21ന് രാവിലെ11ന് സെമി ക്ലാസ്സിക്കൽ ഡാൻസ്, വൈകിട്ട് ഏഴിന് തിരുവാതിര, രാത്രി എട്ടിന് നവീന കൈകൊട്ടിക്കളി. 22ന് രാവിലെ 11ന് ഉത്സവബലി, വൈകിട്ട് ഏഴിന് സംഗീതസദസ്, രാത്രി 9.30 ന് വിളക്ക്. 23ന് രാവിലെ11ന് ഭരതനാട്യം, വൈകിട്ട് ഏഴിന് തിരുവനന്തപുരം നവോദയയുടെ നാടകം സുകുമാരി. 24ന് വൈകിട്ട് 5.30ന് കാഴ്‌ചശ്രീബലി, ആറിന് ഡാൻസ്, ഏഴിന് തിരുവനന്തപുരം ജോസ്കോ അവതരിപ്പിക്കുന്ന ഗാനമേള, 10ന് വിളക്ക്. 25ന് വൈകിട്ട് 4ന് പ്രസിദ്ധമായ തിരുപുരം പകൽപ്പൂരം. ക്ഷേത്രത്തിന് സമീപമുള്ള മൈതാനിയിൽ തലയെടുപ്പുള്ള 15 ഗജവീരന്മാർ അണിനിരക്കും. മാതംഗരാജൻ ഗുരുവായൂർ ഇന്ദ്രസെൻ തിരുപുരത്തപ്പൻ്റെ തിടമ്പേറ്റും. വാദ്യപ്രജാപതി പത്മശ്രീ പെരുവനം കുട്ടൻ മാരാരുടെ പ്രമാണ്യത്തിൽ 100ൽപ്പരം വാദ്യകലാകാരന്മാർ അവതരിപ്പിക്കുന്ന പാണ്ടിമേളം, കുടമാറ്റം, മയിലാട്ടം എന്നിവ നടക്കും. രാത്രി 9. 30ന് വലിയ വിളക്ക്. 26ന് രാവിലെ 9 ന് വിശേഷാൽ ശ്രീബലി, ഉച്ചയ്ക്ക് 12.30ന് ആറാട്ട് സദ്യ, വൈകിട്ട് 4.30ന് കൊടിയിറക്ക്, 5.30ന് അയ്യൻകോവിൻ ക്ഷേത്രത്തിലേക്ക് ആറാട്ട് പുറപ്പാട്, ഏഴിന് ക്ഷേത്രക്കുളത്തിൽ ആറാട്ട്, രാത്രി ഒൻപതിന് ആറാട്ട് എതിരേൽപ്പ് ചോറ്റാനിക്കര സുഭാഷ് നാരായണ മാരാരുടെ പ്രമാണത്തിൽ പഞ്ചവാദ്യം, രാത്രി 12 ന് ഇറക്കി പൂജ എന്നിവയോടെ ഉത്സവം സമാപിക്കും.

Tags:

തലയോലപ്പറമ്പ് തിരുപുരം ശ്രീകൃഷ്‌ണസ്വാമി ക്ഷേത്രത്തിൽ ഉത്സവത്തിന് കൊടിയേറി; പ്രസിദ്ധമായ തിരുപുരം പകൽപ്പൂരം 25ന്.

More in Related News