Thayolaparamba Gram Panchayat started pre-monsoon cleaning in Ward 6.

തലയോലപ്പറമ്പ് ഗ്രാമപഞ്ചായത്ത് 6-ാം വാർഡിൽ മഴക്കാലപൂർവ്വ ശുചീകരണ യജ്ഞത്തിന് തുടക്കമായി.

18 May 2024 14:50 IST

Share News :

Thayolaparamba Gram Panchayat started pre-monsoon cleaning in Ward 6.

തലയോലപ്പറമ്പ്: മഴക്കാലജന്യ രോഗങ്ങളെ പ്രതിരോധിക്കുന്നതിൻ്റെ ഭാഗമായി മഴയെത്തും മുമ്പേ മാലിന്യമുക്തമാക്കാം എന്ന ലക്ഷ്യത്തോടുകൂടി തലയോലപ്പറമ്പ് ഗ്രാമപഞ്ചായത്ത് 6-ാം വാർഡിൽ

മഴക്കാലപൂർവ്വ ശുചീകരണ യജ്ഞത്തിന് തുടക്കമായി.പൊതി കാഞ്ഞിരം വളവ് ഭാഗത്ത് നിന്നും ആരംഭിച്ച ശുചീകരണ പ്രവർത്തനങ്ങളുടെ ഉദ്ഘാടനം ഗ്രാമ പഞ്ചായത്ത് അംഗം വിജയമ്മ ബാബു നിർവ്വഹിച്ചു. ഏ.ഡി.എസ് പ്രസിഡൻ്റ് സുശീല രാധാകൃഷ്ണൻ, വികസന സമതി അംഗം ജോൺ തറപ്പേൽ, ആശാ വർക്കർ ഉഷാകുമാരി, നിർമ്മലാ ഷാജി, ആരോഗ്യ പ്രവർത്തക ആശാ വേണുഗോപാൽ, കല്യാണി കുമാരൻ, അജിതമോഹനൻ തുടങ്ങിയവർ പങ്കെടുത്തു. ശുചീകരണ യജ്ഞത്തിലും തുടർന്ന് വാർഡിലെ വിവിധ പ്രദേശങ്ങൾ വൃത്തിയാക്കാനും കുടുംബശ്രീ അംഗങ്ങൾ ,ഹരിത കർമ്മ സേനാ അംഗങ്ങൾ, തൊഴിലുറപ്പ് അംഗങ്ങൾ എന്നിവർ വാർഡ് ശുചിത്വ സമിതിയുടെ നേതൃത്വത്തിൽ മുഴുവന്‍ പ്രദേശത്തെ പൊതുയിടങ്ങളും മറ്റും വൃത്തിയാക്കി മാലിന്യം പൂർണ്ണമായി നീക്കം ചെയ്തു.പൊതി ജംഗ്ഷൻ, മുടക്കാം പുറം, സ്കൂൾ പരിസരം എന്നിവിടങ്ങളിലെ പ്ലാസ്റ്റിക്ക് ഉൾപ്പടെയുള്ള മാലിന്യങ്ങൾ നീക്കം ചെയ്തു.ജെ സി ബി യുടെ സഹായത്തോടെ റോഡരികിലെ കാനകൾ വൃത്തിയാക്കി.

Tags:

തലയോലപ്പറമ്പിൽ മഴക്കാലപൂർവ്വ ശുചീകരണ യജ്ഞത്തിന് തുടക്കമായി.

More in Related News