Tele Boys Box Cricket: St. Fort wins hat-trick

മസ്‌കറ്റ്: ഗാല ഒയാസിസ് സ്പോർട്സ് ക്ലബ്ബിൽ തിങ്ങി നിറഞ്ഞ ബോക്സ് ക്രിക്കറ്റ് പ്രേമികളെ സാക്ഷിയാക്കി ടെലി ബോയ്സ് ആറാമത് ബോക്സ് ക്രിക്കറ്റ് ടൂർണമെന്റിൽ തലശ്ശേരി സെന്റ് ഫോർട്ട് വീണ്ടും കിരീടം ചൂടി. തുടർച്ചയായി മൂന്നാം തവണയാണ് സെന്റ് ഫോർട്ട് ചാമ്പ്യന്മാരാകുന്നത്.

ആവേശകരമായ ഫൈനലിൽ ദുബായ് ടെലിച്ചെറി ക്രിക്കറ്റ്റെഴ്സിനെ മൈനസ് 12 റൺസിനാണ് സെന്റ് ഫോർട്ട് തോൽപ്പിച്ചത്.

ബോക്സ് ക്രിക്കറ്റിൽ സെന്റ് ഫോർട്ടിനെ തോൽപിക്കുകയെന്നതൊക്കെ അസംഭവ്യം എന്നിടത്താണ് ദുബായ് ചുണക്കുട്ടികൾ അവരെ രണ്ടു റൺസിൽ ഒതുക്കിയത് പക്ഷെ ഒത്തൊരുമയും, ആത്മവിശ്വാസവും, പോരാട്ട തീക്ഷ്ണതയുമായി ഫൈനലിൽ എത്തിയ സെന്റ് ഫോർട്ട് ചാമ്പ്യൻമാരായി മടങ്ങിയത് ആ പോരാട്ട വീര്യത്തിൽ തന്നെയായിരുന്നു.

ടൂർണമെന്റിലെ ബെസ്റ്റ് ബാറ്റ്‌സ്മാനായി മാഹി ചളബീസിലെ നിബ്രസിനെ തിരഞ്ഞെടുത്തപ്പോൾ ഫൈനലിലെ കേമനും ബെസ്റ്റ് ബൗളറും ആയത് സെന്റ് ഫോർട്ടിലെ ഷിബിനാണ്.

പ്രവാസികളായ തലശ്ശേരിക്കാരെ ഒന്നിപ്പിക്കുന്ന ഒരു കാര്‍ണിവല്‍ ആയി കണ്ടു വൻ ജനസാഗരമാണ് ഒയാസിസ് സ്പോർട്സ് ഗ്രൗണ്ടിൽ ഒഴുകി എത്തിയത്. വര്‍ണ്ണ ദീപാലംങ്കാരങ്ങളുടെ ശോഭയില്‍ നൃത്തവും കോൽക്കളിയും കൂടെ സദസിനെ ത്രസിപ്പിക്കാൻ ഡി ജെ യും ഉണ്ടായിരുന്നു.

തലശ്ശേരിക്കാരുടെ വൈവിധ്യമാർന്ന നാടൻ പലഹാരങ്ങളും തട്ടുകടയും ശ്രദ്ധേയമായി. എന്ത് കൊണ്ടും ടെലി ബോയ്സിന്റെ മുപ്പതാം വാർഷികം ഒരു ആഘോഷമായി തന്നെ കൊണ്ടാടാൻ പറ്റി എന്ന് സംഘാടകർ അറിയിച്ചു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി

https://enlightmedia.in/news/category/gulf

https://www.facebook.com/MalayalamVarthakalNews?mibextid=kFxxJD

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

⭕⭕⭕⭕⭕⭕⭕⭕⭕

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕

Tags: