പ്രത്യേക രാത്രികാല പരിശോധന: വൻ അനധികൃത മദ്യശേഖരവുമായി കാർയാത്രികൻ പിടിയിൽ.

08 Feb 2025 14:45 IST

Share News :

Special night check: Passenger caught with huge illicit liquor stock.

പേരാമ്പ്ര:

ആഢംബര വാഹനത്തിൽ അനധികൃതമായി കടത്തി കൊണ്ടുവന്ന 224 കുപ്പി മാഹി മദ്യവുമായി ഒരാൾ അറസ്റ്റിൽ. മാഹി പള്ളൂർ സ്വദേശി ജംഷാദിനെയാണ് ( 50) തൃശൂർ റൂറൽ ജില്ലാ പോലീസ് മേധാവി ബി. കൃഷ്ണകുമാർ ഐപിഎസിൻ്റെ നിർദ്ദേശപ്രകാരം ചാലക്കുടി ഡിവൈഎസ്പി കെ. സുമേഷിൻ്റെ നേതൃത്വത്തിൽ പ്രത്യേകാന്വേഷണസംഘം പിടികൂടിയത്. മദ്യം കടത്തികൊണ്ടുവന്ന വാഹനവും കസ്റ്റഡിയിലെടുത്തു. മയക്കുമരുന്ന് കടത്തലിനെതിരെ ജില്ലാ പോലീസ് മേധാവി ആവിഷ്കരിച്ച പ്രത്യേക രാത്രികാല വാഹന പരിശോധനയിൽ പുലർച്ചയോടെ അമിത വേഗത്തിലെത്തിയ കാർ സംശയം തോന്നി പരിശോധിച്ചത്.

വാഹനത്തിൻറെ ഡിക്കിയിൽ രഹസ്യമായാണ് മദ്യം സൂക്ഷിച്ചിരുന്നത്. കൊടകര പേരാമ്പ്രയിൽ ചാലക്കുടി സബ് ഡിവിഷൻ ഡാൻസാഫ് സ്കോഡും, കൊടകര സർക്കിൾ ഇൻസ്പെക്ടർ പി.കെ ദാസിൻ്റെ നേതൃത്വത്തിലുള്ള പോലീസ് സംഘവും ചേർന്ന് നടത്തിയ വാഹന പരിശോധനയിലാണ് മദ്യം പിടികൂടിയത്.

ചോദ്യം ചെയ്യലിൽ കേരളത്തിലെ വിവിധ ജില്ലകൾ കേന്ദ്രീകരിച്ച് മദ്യവിൽപന നടത്തിവന്നയാളാണ് ജംഷാദെന്നും ആവശ്യക്കാരിൽ നിന്നും വാട്സാപ്പ് വഴി ഓർഡർ സ്വീകരിച്ചു വിവിധ സ്ഥലങ്ങളിലെത്തിച്ച് മദ്യവിൽപ്പന നടത്തുകയാണെന്ന് ചെയ്യുന്നതെന്നും ജംഷാദ് പോലിസിനെ അറിയിച്ചു. കേസിലെ കൂടുതൽ പ്രതികളെക്കുറിച്ച് അന്വേഷണം ആരംഭിച്ചതായി പോലീസ് സംഘം പറഞ്ഞു

തൃശൂർ റൂറൽ ജില്ലയിൽ മയക്കുമരുന്ന് - ലഹരി മാഫിയ സംഘങ്ങൾ ഉൾപെടുന്ന അക്രമങ്ങൾ അടുത്തയിടെ വർധിച്ചതോടെ ഇത്തരം ക്രിമിനലുകൾക്കെതിരെ കർശന നടപടികൾ ജില്ലാ പോലീസ് മേധാവി ബി കൃഷ്ണകുമാർ IPS ആവിഷ്കരിച്ചു നടപ്പിലാക്കി വരികയാണ്. അതിൻ്റെ ഭാഗമായി നടത്തിയ രാത്രികാല വാഹന പരിശോധനയിലാണ് അനധികൃത മദ്യവുമായി ജംഷാദ് പിടിയിലാകുന്നത്. ഏതാനു ദിവസം മുൻപാണ് സമാനമായ പരിശോധനയിൽ കുപ്രസിദ്ധ ലഹരിക്കടത്തുകാരൻ കിങ്ങിണി ഷിജോയെ അൻപത് ഗ്രാമോളം രാസലഹരിയുമായി ഈ അന്വേഷണ സംഘം പിടികൂടിയത്.

കൊടകര ISHO പി കെ ദാസ്, സബ്ബ് ഇൻസ്പെക്ടർ അരിസ്റ്റോട്ടിൽ, എഎസ്ഐമാരായ ബൈജു, ഷീബ, ഗോകുലൻ, ബിനു പൗലോസ്, സീനിയർ സിപിഒമാരായ ഷിജു, സഹദ്, സനൽ, സിപിഒമാരായ ആഷിക്, ശ്രീജിത്, ഡാൻസാഫ് അംഗങ്ങളായ വി.ജി സ്റ്റീഫൻ, സതീശൻ മടപ്പാട്ടിൽ, റോയ് പൗലോസ്, പി.എം മൂസ, വി.യു സിൽജോ, എ.യു റെജി, ബിനു എം. ജെ, ഷിജോ തോമസ്, സൈബർ സെൽ ഉദ്യോഗസ്ഥനായ ഷനൂഹ് സി കെ എന്നിവരാണ് അന്വേഷണസംഘത്തിൽ ഉണ്ടായിരുന്നത്.

Tags:

Special night check: Passenger caught with huge illicit liquor stock. enlightmedia,malayalamnews,kerala,latestnews