Six-year-old Shravan crossed the Vembanad lake with both hands and broke the record for the second time.

വൈക്കം: ഏഴ് മാസം മുമ്പ് കൈകൾ ബന്ധിക്കാതെ 2 മണിക്കൂറാർ 4 മിനിട്ട് കൊണ്ട് നീന്തിക്കടന്ന വൈക്കം വേമ്പനാട്ട് കായലിൻ്റെ 7 കിലോമീറ്റർ ദൂരം ഇരുകൈകളും ബന്ധിച്ച് ആറുവയസ്സുകാരൻ വീണ്ടും നീന്തിക്കയറിയത് 1 മണിക്കൂർ 29 മിനിട്ടു കൊണ്ട്. കോതമംഗലം വാരപ്പെട്ടി ഇളങ്ങവം ശ്രീജഭവനിൽ ശ്രീജിത്ത്, രഞ്ജുഷ ദമ്പതികളുടെ മകനും പുതുപ്പാടി കനേഡിയൻ സെൻട്രൽ സ്കൂളിലെ ഒന്നാം ക്ലാസ് വിദ്യാർത്ഥിയുമായ ശ്രാവൺ എസ് നായരാണ് രണ്ടാമതും ചരിത്രനേട്ടം കൈവരിച്ചത്. കോതമംഗലം ഡോൾഫിൻ അക്വാട്ടിക് ക്ലബ്ബിലെ പരിശീലകൻ ബിജു തങ്കപ്പൻ്റെ ശിക്ഷണത്തിലാണ് ഇതിനാവശ്യമായ പരിശീലനം നേടിയത്. ചേർത്തല അമ്പലക്കടവിൽ നിന്നും രാവിലെ 7. 45 ന് നീന്തൽ ഫ്ലാഗ് ഓഫ് ചെയ്തു. വൈക്കം ബീച്ചിൽ 9.14 ന് നീന്തൽ വിജയകരമായി പൂർത്തിയാക്കി.

തുടർന്ന് നടന്ന അനുമോദന സമ്മേളനം വൈക്കം ബ്ലോക്ക് പഞ്ചായത്ത്‌ പ്രസിഡന്റ്‌ എസ്.ബിജു ഉദ്ഘാടനം ചെയ്തു.മുൻ നഗരസഭ അംഗം ജയ് ജോൺ പേരയിൽ അധ്യക്ഷത വഹിച്ചു. വൈക്കം നഗരസഭ ചെയർപേഴ്സൺ പ്രീതാ രാജേഷ്, സി.പി ലെനിൻ, ഫയർ ആൻ്റ് റെസ്ക്യൂ ഓഫീസർ ഗോകുൽ, ടി.ഷാജികുമാർ, നീന്തൽ താരം ജി.പി സേനകുമാർ, ഡോൾഫിൻ അക്വാട്ടിക് ക്ലബ്ബ് സെക്രട്ടറി എ.പി അൻസൽ തുടങ്ങിയവർ പ്രസംഗിച്ചു.സ്കൂൾ വിദ്യാർഥികൾ അടക്കമുള്ളവർ നീന്തൽ കാണാൻ എത്തിയിരുന്നു.