ആര്‍ എസ് സി തര്‍തീല്‍ ഗ്രാന്റ് ഫിനാലെ മസ്‌കറ്റില്‍

26 Feb 2025 21:23 IST

Share News :

മസ്‌കറ്റ്: രിസാല സ്റ്റഡി സര്‍ക്കിള്‍ (ആര്‍ എസ് സി) ഒമാന്‍ നാഷനല്‍ തര്‍തീലിന്റെ ഗ്രാന്‍ഡ് ഫിനാലെ മസ്‌കറ്റില്‍ നടക്കും. മാര്‍ച്ച് 28ന് അരങ്ങേറുന്ന പരിപാടിയില്‍ രാജ്യത്തെ 11 സോണുകളില്‍ നിന്നുള്ള മത്സരാര്‍ഥികള്‍ പങ്കെടുക്കുമെന്ന് ഭാരവാഹികള്‍ വാര്‍ത്ത സമ്മേളനത്തില്‍ അറിയിച്ചു.

പ്രവാസി വിദ്യാര്‍ഥി, യുവജനങ്ങള്‍ക്ക് ഖുര്‍ആന്‍ പഠനത്തിനും പാരായണത്തിനും അവസരം ഒരുക്കുകയും പവിത്ര ഗ്രന്ഥത്തിന്റെ ദാര്‍ശനിക സൗന്ദര്യം പകര്‍ന്ന് നല്‍കുവാനുമാണ് തര്‍തീല്‍ ലക്ഷ്യം വെക്കുന്നത്. തര്‍തീലിന്റെ ഭാഗമായി ഖുര്‍ആനിക്ക് എക്‌സ്‌പോ, ഉറുദി, തഹ്‌സീന്‍ (ഖുര്‍ആന്‍ പാരായണ പരിശീലനം) എന്നിവയും നടക്കും.

കിഡ്‌സ്, ജൂനിയര്‍, സീനിയര്‍, സെക്കണ്ടറി, സൂപ്പര്‍ സീനിയര്‍, ഹാഫിസ് വിഭാഗങ്ങളില്‍ തിലാവത്, ഹിഫ്‌സ്, ക്വിസ്, രിഹാബുല്‍ ഖുര്‍ആന്‍, ഇസ്മുല്‍ ജലാല തുടങ്ങിയ വ്യത്യസ്ത ഇനങ്ങളിലാണ് മത്സരങ്ങള്‍ നടക്കുന്നത്. ആര്‍ എസ് സി യൂനിറ്റ് ഒഡീഷനിലൂടെ തെരഞ്ഞെടുക്കപ്പെട്ടവര്‍ സെക്ടര്‍, സോണ്‍ തല മത്സരങ്ങളില്‍ മാറ്റുരച്ചാണ് നാഷനല്‍ തര്‍തീലിലേക്ക് യോഗ്യത നേടുന്നത്.

മാര്‍ച്ച് 14ന് ഇബ്ര, ബുറൈമി സോണ്‍ മത്സരങ്ങളും മാര്‍ച്ച് 21ന് സലാല, നിസ്‌വ, ബൗഷര്‍, സീബ്, ബര്‍ക, സുഹാര്‍, സൂര്‍, ജഅലാന്‍ സോണ്‍ മത്സരങ്ങളും നടക്കും. സോണുകളില്‍ നിന്ന് തിരഞ്ഞെടുത്ത മത്സരാര്‍ത്ഥികളാണ് ഒമാന്‍ നാഷനല്‍ ഗ്രാന്റ് ഫിനാലെയിലേക്ക് യോഗ്യത നേടുന്നത്. രജിസ്‌ട്രേഷനും കൂടുതല്‍ വിവരങ്ങള്‍ക്കും 77452737, 77360809 എന്നീ നമ്പറുകളില്‍ ബന്ധപ്പെടാവുന്നതാണ്.

മാര്‍ച്ച് 28 വെള്ളിയാഴ്ച നടക്കുന്ന ഗ്രാന്റ് ഫിനാലെയില്‍ മത സാമൂഹിക രംഗത്തെ പ്രമുഖര്‍ പങ്കെടുക്കും. വാര്‍ത്താ സമ്മേളനത്തില്‍ ആര്‍ എസ് സി നാഷനല്‍ ചെയര്‍മാന്‍ വി എം ശരീഫ് സഅദി മഞ്ഞപറ്റ, സെക്രട്ടറിമാരായ മിസ്ഹബ് കൂത്ത്പറമ്പ്, ശിഹാബ് കാപ്പാട്, സമീര്‍ ഹുമൈദി ആറളം, ശുഹൈബ് മോങ്ങം എക്‌സിക്യൂട്ടീവ് അംഗം സമീര്‍ മാവിലാഴി തുടങ്ങിയവര്‍ പങ്കെടുത്തു.

✳️✳️✳️✳️✳️✳️✳️✳️✳️

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

https://www.facebook.com/MalayalamVarthakalNews