Roovi Malayali Association Independence

മസ്‌കറ്റ്: ഒമാനിലെ റൂവി മലയാളി അസോസിയേഷനും, ലൈഫ് ലൈൻ മെഡിക്കൽ സെന്റർ ദാർസൈറ്റും സംയുക്തമായി ഇന്ത്യയുടെ 79-മത് സ്വാതന്ത്ര്യദിനം, ലൈഫ് ലൈൻ ഹോസ്പിറ്റൽ ഹാളിൽ ദേശീയ അഭിമാനവും ദേശസ്നേഹവും നിറഞ്ഞ ഭംഗിയേറിയ പരിപാടികളോടെ ആഘോഷിച്ചു.

സ്വാതന്ത്ര്യസമരത്തിൽ ജീവൻ അർപ്പിച്ച ധീര വിപ്ലവകാരികളുടെ ത്യാഗങ്ങളെ അനുസ്മരിച്ചുകൊണ്ട് പ്രാർത്ഥനയോടെ പരിപാടി ആരംഭിച്ചു. അസോസിയേഷൻ പ്രസിഡന്റ് ഫൈസൽ ആലുവ അധ്യക്ഷനായിരുന്നു. സന്തോഷ് കെ.ആർ. സ്വാഗതം പറഞ്ഞു. ലൈഫ് ലൈൻ ഹോസ്പിറ്റൽ സെൻട്രൽ മാനേജർ ഷിജു പി കുര്യൻ, എഴുത്തുകാരനും സാമൂഹ്യ പ്രവർത്തകനുമായ രാജൻ വി കൊക്കുറി എന്നിവർ ആശംസകൾ നേർന്നു.

ദേശീയ ഗാനം ആലപിച്ചതിന്ന് പിന്നാലെ സ്വാതന്ത്ര്യ ദിനത്തിന്റെ സന്തോഷം പങ്കിടുന്നതിന്റെ ഭാഗമായി കേക്ക് മുറിക്കൽ ചടങ്ങ് നടന്നു. തുടർന്ന് അഡ്വ. മധുസൂദനൻ സ്വാതന്ത്ര്യ ദിന സന്ദേശം അവതരിപ്പിച്ച് രാജ്യത്തിന്റെ ഐക്യവും പുരോഗതിയും ഉറപ്പാക്കേണ്ടതിന്റെ പ്രാധാന്യം ഉന്നയിച്ചു.

പരിപാടിയുടെ ഭാഗമായി ഹൃദ്രോഗ അവബോധ ക്ലാസും, അത്യാവശ്യ സാഹചര്യങ്ങളിൽ ജീവൻ രക്ഷിക്കാനുള്ള സാങ്കേതിക വിദ്യയായ കാർഡിയോപൾമോണറി റെസസിറ്റേഷൻ (CPR) പരിശീലനവും പ്രശസ്ത ഹൃദ്രോഗ വിദഗ്ധൻ ഡോ. മുജീബ് അഹമ്മദ് നയിച്ചു. പങ്കെടുത്തവർക്ക് സൗജന്യ ബ്ലഡ് പ്രഷർ & ബ്ലഡ് ഷുഗർ പരിശോധന സൗകര്യങ്ങളും ഒരുക്കിയിരുന്നു.

പരിപാടിയുടെ വിജയത്തിന് ലൈഫ് ലൈൻ മാർക്കറ്റിങ് മാനേജർ ജോഷി ബെനെഡിറ്റ്, നഴ്സിംഗ് ഇൻചാർജ് ഷെസി സ്‌ക്കറിയാ, ആർ എം എ എക്സിക്യൂട്ടീവ് അംഗങ്ങളായ സുജിത്ത് സുഗുണൻ, സന്തോഷ് കെ ആർ, നീതു ജിതിൻ, ബിൻസി സിജോ, ആഷിഖ്, സച്ചിൻ, എബി, ഷൈജു, സുജിത് പത്മകുമാർ, ഷാംജി എന്നിവർ നേതൃത്വം നൽകി. ഹോസ്പിറ്റൽ സ്റ്റാഫ് പ്രധിനിധികളും അസോസിയേഷൻ അംഗങ്ങളും അവരുടെ കുടുംബാംഗങ്ങളും, ഒമാനിലെ വിവിധ സാമൂഹ്യ-സാംസ്കാരിക സംഘടനാ പ്രതിനിധികളും, ആരോഗ്യ പ്രവർത്തകരും പരിപാടിയിൽ പങ്കെടുത്തു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

Youtube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags:

Roovi Malayali Association Celebrates Indian Independence Day

More in Related News