'Rafi Ki Yaadein' is being organised by Sangeet Sandhya.

ദോഹ: ദോഹ വേവ്സിൻ്റേയും ഡയസ്പോറ ഓഫ് മലപ്പുറം ഖത്തറിൻ്റെയും വേൾഡ് മലയാളി ഫെഡറേഷൻ ഖത്തറിൻ്റെയും സഹകരണത്തോടെ 'റഫി കി യാദേയ്ൻ' സംഗീത സന്ധ്യ സംഘടിപ്പിക്കുന്നു. മുഹമ്മദ് റഫിയുടെ കാലാതീതമായ പാരമ്പര്യം ആഘോഷിക്കുന്ന പരിപാടി നവംബർ 21 വ്യാഴാഴ്‌ച വൈകുന്നേരം ഏഴു മണിക്ക് അൽ വക്രയിലെ ഡി. പി. എസ് സ്‌കൂളിൽ നടക്കും.

മുഹമ്മദ് റഫിയുടെ സംഗീതത്തിന്റെറെ സാർവത്രികവും കാലാതീതവുമായ ആകർഷണീയതയ്ക്ക് അടിവരയിടുന്ന ഇന്ത്യ, ബംഗ്ലാദേശ്, ദക്ഷിണാഫ്രിക്ക എന്നിവിടങ്ങളിൽ നിന്നുള്ള അംബാസഡർമാർ ഉൾപ്പെടെയുള്ള വിശിഷ്‌ട വ്യക്തികളുടെ സാന്നിധ്യത്തിന് പരിപാടി സാക്ഷ്യം വഹിക്കും.

റഫിയുടെ നിത്യഹരിത ക്ലാസിക്കുകൾ ഖത്തറിൻ്റെ റഫി മുഹമ്മദ് ത്വയ്യിബും പ്രശസ്‌ത പിന്നണി ഗായിക സുമി അരവിന്ദും ചേർന്ന് പുനഃസൃഷ്ടിക്കുന്നത് പരിപാടിയിൽ റഫി ആരാധകർക്ക് ശ്രദ്ധേയ വിരുന്നാകും. സംഗീത മികവിൻ്റെ അവിസ്‌മരണീയ സായാഹ്നത്തിനായി അത്യാധുനിക ശബ്ദ സംവിധാനങ്ങളുള്ള ലൈവ് ഓർക്കസ്ട്രയാണ് ഒരുക്കുന്നത്.

1995-ൽ ആരംഭിച്ചതു മുതൽ 24 വർഷത്തെ മികവ് അടയാളപ്പെടുത്തുന്ന ദോഹ വേവ്സിന് ശ്രേയ ഘോഷാൽ, ഉദിത് നാരായൺ, അർമാൻ മാലിക് തുടങ്ങിയ പ്രമുഖ കലാകാരന്മാരെ ഉൾപ്പെടുത്തി മികച്ച സംഗീത സായാഹ്നങ്ങൾ സംഘടിപ്പിച്ച പാരമ്പര്യമുണ്ട്. മുഹമ്മദ് റഫിയുടെ മകനും റഫി ഫൗണ്ടേഷൻ ചെയർമാനുമായ ഷാഹിദ് റഫി പരിപാടിയിൽ പങ്കെടുക്കും.

ഗൃഹാതുരത്വത്തിൻ്റെയും മെലഡിയുടെയും സാംസ്‌കാരിക ആഘോഷത്തിലേക്ക് എല്ലാവരെയും സ്വാഗതം ചെയ്യുന്നതായി സംഘാടകർ അറിയിച്ചു. പ്രവേശനം സൗജന്യമാണ്.