കോട്ടയം കുറിച്ചിയിൽ ഇതര സംസ്ഥാന തൊഴിലാളികൾ തമ്മിലടിച്ചു; തലയ്ക്കടിയേറ്റ അസം സ്വദേശി കൊല്ലപ്പെട്ടു.

02 Feb 2025 21:45 IST

Share News :

Other state workers clashed at Kottayam Kurichi; an Assam native, who was hit on the head, was killed.

കോട്ടയം: ഇതര സംസ്ഥാന തൊഴിലാളികൾ തമ്മിലുണ്ടായ സംഘർഷത്തിൽ അസം സ്വദേശിയായ യുവാവ് കൊല്ലപ്പെട്ടു.

ചങ്ങനാശ്ശേരിക്ക് സമീപം കുറിച്ചിയിൽ ഇതര സംസ്ഥാന തൊഴിലാളികൾ തമ്മിൽ വൈകിട്ട് ഉണ്ടായ സംഘർഷത്തിലാണ് യുവാവ് കൊല്ലപ്പെട്ടത്. അസം സ്വദേശിയായ ലളിത് (24) ആണ് കൊല്ലപ്പെട്ടത്. പ്രതി അസം സ്വദേശി വിജയകുമാറിനെ ചിങ്ങവനം പൊലീസ് കസ്റ്റഡിയിലെടുത്തു. മദ്യപാനത്തെ തുടർന്നുണ്ടായ സംഘർഷത്തിൽ തലയ്ക്ക് അടിയേറ്റതാണ് മരണ കാരണം. മൃതദേഹം ചങ്ങനാശേരി താലൂക്ക് ആശുപത്രിയിലേക്ക് മാറ്റി. ഞായറാഴ്ച വൈകിട്ട് ഏഴരയോടെയായിരുന്നു സംഭവം. കുറിച്ചി മന്ദിരത്തിലെ മുട്ടത്ത് കടവിലെ സ്ഥാപനത്തിലാണ് ലളിത് ജോലി ചെയ്തിരുന്നത്. ഒപ്പം താമസിച്ചിരുന്ന ഇതര സംസ്ഥാന തൊഴിലാളിയുമായി ലളിത് വാക്കുതർക്കത്തിൽ ഏർപ്പെടുകയായിരുന്നു. ഇതേ തുടർന്ന് രണ്ടു പേരും തമ്മിൽ ഏറ്റുമുട്ടി. തുടർന്ന് തലയ്ക്കടിയേറ്റ ലളിത് കൊല്ലപ്പെടുകയായിരുന്നുവെന്ന് പൊലീസ് അറിയിച്ചു. ചിങ്ങവനം സ്റ്റേഷൻ ഹൗസ് ഓഫിസർ വി.എസ് അനിൽകുമാറിൻ്റെ നേതൃത്വത്തിലുള്ള പോലീസ് സ്ഥലത്തെത്തി മേൽ നടപടികൾ സ്വീകരിച്ചു.

Tags:

കോട്ടയം കുറിച്ചിയിൽ ഇതര സംസ്ഥാന തൊഴിലാളികൾ തമ്മിലടിച്ചു; തലയ്ക്കടിയേറ്റ അസം സ്വദേശി കൊല്ലപ്പെട്ടു.

More in Related News