വംശനാശഭീഷണി നേരിടുന്ന റീം ഗസെലിനെ സംരക്ഷിക്കാൻ ഒമാൻ നടപടി സ്വീകരിച്ചു

സലാല: ഒമാൻ പരിസ്ഥിതി അതോറിറ്റി ആരംഭിച്ച പുതിയ പുനരധിവാസ പദ്ധതിയുടെ ഭാഗമായി ദോഫാർ ഗവർണറേറ്റിലെ മുഖ്ഷിൻ വിലായത്തിൽ 54 റീം ഗസലുകളെ കാട്ടിലേക്ക് തുറന്നുവിട്ടു.

പ്രകൃതി സംരക്ഷണ കേന്ദ്രങ്ങൾക്ക് പുറത്തുള്ള ആദ്യത്തെ സംരംഭമാണ് ദോഫാർ ഗവർണറേറ്റിലെ മുഖ്ഷിൻ വിലായത്തിൽ ആരംഭിച്ചിരിക്കുന്നത്. 75 ചതുരശ്ര കിലോമീറ്റർ വിസ്തൃതിയുള്ള ഈ പദ്ധതിയിൽ ജിപിഎസും സാറ്റലൈറ്റ് ട്രാക്കിംഗ് ഉപകരണങ്ങളും ഉപയോഗിച്ച് ഗസലുകളെ നിരീക്ഷിക്കും.

സാൻഡ് ഗസൽ എന്ന് അറിയപ്പെടുന്ന വംശനാശഭീഷണി നേരിടുന്ന ഒരു ഇനമാണ് റീം ഗസൽ. ചടുലത, നീണ്ട കഴുത്ത്, വിശാലമായ കണ്ണുകൾ, ഇളം നിറം എന്നിവയാണ് അവയുടെ സവിശേഷതകൾ. 2007 മുതൽ റബ് അൽ ഖാലി മരുഭൂമിയിൽ ഇത് വംശനാശം സംഭവിച്ചതായി ഫീൽഡ് പഠനങ്ങൾ മുമ്പ് സൂചിപ്പിച്ചിരുന്നു.

അറേബ്യൻ ഒറിക്‌സ് റിസർവിലെ (1970 മുതൽ) അറേബ്യൻ ഒറിക്‌സ് പ്രോജക്റ്റും അതേ റിസർവിനുള്ളിലെ റീം ഗസൽ ബ്രീഡിംഗ് ആൻഡ് റീസെറ്റിൽമെന്റ് പ്രോഗ്രാമും (2013 മുതൽ) ഉൾപ്പെടെ മുൻകാലത്ത് നടത്തിയ പുനരധിവാസ പദ്ധതികൾ വിജയകരമായിരുന്നു. ഇതിനെ അടിസ്ഥാനമാക്കിയാണ് പുതിയ സംരംഭം. 2020 മുതൽ റിസർവിലും പരിസരത്തും സമാന രീതിയിൽ മാനുകളെ തുറന്നുവിട്ടത് അവയുടെ എണ്ണം വർദ്ധിക്കുന്നതിന് കാരണമായിരുന്നു.

ദോഫാർ ഗവർണർ സയ്യിദ് മർവാൻ ബിൻ തുർക്കി അൽ സെയ്ദിന്റെ രക്ഷാകർതൃത്വത്തിലാണ് പദ്ധതി. ഒമാന്റെ പ്രകൃതി പരിസ്ഥിതികളെ പുനരധിവസിപ്പിക്കുക, വംശനാശഭീഷണി നേരിടുന്ന ജീവികളെ സംരക്ഷിക്കുക, രാജ്യത്തിന്റെ ആഗോള പാരിസ്ഥിതിക റാങ്കിംഗ് മെച്ചപ്പെടുത്തുക എന്നിവയാണ് പദ്ധതിയുടെ ലക്ഷ്യം.

⭕⭕⭕⭕⭕⭕⭕⭕

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

https://www.facebook.com/MalayalamVarthakalNews