കേരളപ്പിറവി ദിനത്തിൽ അന്യസംസ്ഥാനക്കാരായ സൈനികർക്ക് മധുരം നൽകി എൻസിസി കേഡറ്റുകൾ

01 Nov 2025 21:15 IST

Share News :

NCC cadets give sweets to soldiers from other states on Kerala Piravi Day

ഗുരുവായൂർ:കേരളപ്പിറവി ദിനത്തിൽ അന്യസംസ്ഥാന സൈനികരായ നായിക് സുബേദാർ നകുൽ മിർദ,സുബേദാർ കെ.ശശികുമാർ എന്നിവർക്ക് മധുരവും,ബൊക്കെയും നൽകി എൻസിസി കേഡറ്റുകൾ.മറ്റം സെൻറ് ഫ്രാൻസിസ് ഹയർ സെക്കൻഡറി സ്കൂളിലെ എൻ.സി.സി കേഡറ്റുകൾ കണ്ടാണശ്ശേരി പഞ്ചായത്ത് ഓഫീസിന് മുന്നിലുള്ള ഗാന്ധി പ്രതിമയ്ക്ക് സമീപമാണ് ആദര സമ്മേളനം നടത്തിയത്.മേജർ പി.ജെ.സ്റ്റൈജു പരിപാടി ഉദ്ഘാടനം ചെയ്തു.എൻസിസി കേഡറ്റുകൾ കേരള പിറവി ഗാനം ആലപിച്ചു.സീനിയർ കേഡറ്റുകളായ അഭിജിത്ത് മോഹൻ ശിവമല്ലി എന്നിവർ ചേർന്നാണ് സൈനികർക്ക് മധുരവും ബൊക്കെയും നൽകിയത്.ഇസബൽ ജോസ് കേരള ചരിത്രത്തെക്കുറിച്ച് കേഡറ്റുകളോട് സംവദിച്ചു.മധുരത്തിന് പുറമേ ലൂവിക്കയും വിതരണം ചെയ്തു.കേരളത്തിലെ ജീവിതം മറക്കനാവാത്ത മധുര സ്വപ്നങ്ങളാണ് നല്കിയെതെന്ന് ഒറീസ സ്വദേശി നകുൽ മിർദ്ദ മറുപടി പ്രസംഗത്തിൽ അഭിപ്രായപ്പെട്ടു.പരിപാടികൾക്ക് സീനിയർ കേഡറ്റുകളായ സായ് കൃഷ്ണ,ആദിത്യൻ വി.എസ് മിൻസാര,ഗ്രേസ് ജോഷി എന്നിവർ നേതൃത്വം നൽകി.വിദ്യാർത്ഥികളിൽ ദേശീയബോധം വളർത്തുന്നതിനും കേരള ദേശത്തോടുള്ള സ്നേഹം വർധിപ്പിക്കുന്നതിനും ആണ് ഇത്തരത്തിലുള്ള പരിപാടികൾ സംഘടിപ്പിച്ചതെന്ന് യൂണിറ്റ് ഓഫീസർ മേജർ പി.ജെ.സ്റ്റൈജു പറഞ്ഞു.