ഉരുക്കുമനുഷ്യനായി മസ്കറ്റിൽ നിന്നുമൊരു ഒരാലപ്പുഴക്കാരൻ

മസ്‌കറ്റ്: ലോകത്തിലെ ഒരൊറ്റ ദിവസം കൊണ്ട് നടക്കുന്ന ഏറ്റവും കഠിനമായ കായിക മത്സരമായ അയൺ മാൻ ഫുൾ ട്രയത്തലോൺ മത്സരത്തിൽ വിജയം കുറിച്ച് ആലപ്പുഴ സ്വദേശിയായ ഷാനവാസ് ഹക്കീം (മച്ചു ഷാനവാസ് ).

സ്പെയിനിലെ ബാർസിലോണയിൽ ഒക്ടോബർ അഞ്ചിന് രാവിലെ തുടങ്ങിയ മത്സരത്തിൽ 3.8 കിലോമീറ്റർ കടലിലൂടെ നീന്തൽ, 180 കിലോമീറ്റർ സൈക്കിളിംഗ്, 42.2 കിലോമീറ്റർ എന്നിവ ഇടവേളകളില്ലാതെ പതിനാറ് മണിക്കൂർ കൊണ്ട് പൂർത്തിയാക്കുക എന്നതാണ് ഫുൾ അയേൺമാനിലെ കഠിനമായ ലക്‌ഷ്യം. എന്നാൽ പതിനഞ്ചര മണിക്കൂർ കൊണ്ട് മച്ചൂ പൂർത്തിയാക്കി. ലോകത്തെ 60 രാജ്യങ്ങളിൽ നിന്നായി 3200 പേർ മാറ്റുരച്ച മത്സരത്തിൽ 2428 പേർ മാത്രമാണ് ഈ ലക്‌ഷ്യം പൂർത്തിയാക്കിയത്.

മാസങ്ങളുടെയും വർഷങ്ങളുടെയും പരിശീലനത്തിന് ശേഷമാണ് ഓരോ കായികതാരവും മത്സരത്തിനെത്തുന്നതെങ്കിലും മത്സരദിനത്തിലെ കാലാവസ്ഥയും പ്രതികൂല സാഹചര്യങ്ങളെയും മാനസിക കരുത്തുകൊണ്ട് മറികടക്കുക എന്നതും ഇതിൽ അനിവാര്യമാണ്.

ഒമാനിൽ നിന്നും രണ്ടു സ്വദേശികൾ അടക്കം നാലുപേരാണ് മത്സരത്തിൽ പങ്കെടുത്തത്. ഇവർ നാല് പേരും ലക്‌ഷ്യം പൂർത്തിയാക്കി. മച്ചുവിന് പുറമെ റീം അൽ ഹാർത്തി, സാഹിദ് നദീം ഖാൻ, മുഹമ്മദ് അൽ ഷാർജി എന്നിവരാണ് നേട്ടത്തിന് അർഹരായ മറ്റ് മൂന്ന് പേർ. 2007 മുതൽ മസ്‌കറ്റിലെ മാധ്യമസ്ഥാപനത്തിൽ ജോലി ചെയുന്ന ആലപ്പുഴ സ്വദേശിയായ മച്ചു മസ്കറ്റിലും, സലാലയിലും മറ്റ്‌ വിവിധ രാജ്യങ്ങളിലുമായി ഹാഫ് അയേൺമാനും, നിരവധി മാരത്തോണുകളും വിജയകരമായി പൂർത്തിയാക്കിയിട്ടുണ്ട് .

ശാരീരിക ക്ഷമതയും ആരോഗ്യകരമായ ജീവിതം നയിക്കുന്നതിനും ആളുകളെ പ്രചോദിപ്പിക്കാനും, പ്രോത്സാഹിപ്പിക്കാനുമായി നിരവധി ആളുകൾക്ക് സൈക്കിളിംഗ്, ദീർഘദൂര ഓട്ടം , നീന്തൽ എന്നിവയിൽ വിവിധ ഗ്രൂപ്പുകളിലൂടെ പരിശീലനവും നൽകുന്നുണ്ട് .മഞ്ജുവാണ് ആണ് ഭാര്യ ഏകമകൾ മീനാക്ഷി ഡിഗ്രി വിദ്യാർത്ഥിനിയാണ്.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf

For: News & Advertisements: +968 95210987 enlightmediaoman@gmail.com

⭕⭕⭕⭕⭕⭕⭕⭕⭕

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

Facebook: https://www.facebook.com/MalayalamVarthakalNews

Instagram: https://www.instagram.com/enlightmediaom an

YouTube: https://www.youtube.com/@EnlightMediaOman

⭕⭕⭕⭕⭕⭕⭕⭕⭕

Tags:

A man from Oralapuzha from Muscat as the Iron Man