Messi shot the ball that broke the walls of misconceptions a

സൗദിയെക്കുറിച്ചുള്ള തെറ്റിധാരണകളുടെ മതിൽക്കെട്ടുകൾ തകർത്ത്

01 Feb 2024 18:02 IST

Leo T Abraham

Share News :

Messi shot the ball that broke the walls of misconceptions a

റിയാദ്∙ സൗദിയിൽ സ്ത്രീകൾ ഒതുങ്ങിക്കഴിയുന്നവരല്ല, പ്രത്യേകിച്ച് പുതിയ സൗദിയിൽ എന്ന സന്ദേശവുമായി ഈ രാജ്യത്തിന് മേലുള്ള തെറ്റിധാരണകളുടെ മതിൽക്കെട്ടുകൾ തകർക്കുന്ന, സൗദി ദേശീയ ടൂറിസം പുറത്തിറക്കിയ വിഡിയോ പരസ്യം വൈറലായി. ഫുട്ബോൾ ഇതിഹാസവും സൗദി ടൂറിസം അംബാസഡറുമായ ലയണൽ മെസ്സി അഭിനയിച്ച പരസ്യം അദ്ദേഹം തന്നെയാണ് തന്‍റെ ഇൻസ്റ്റഗ്രാം പേജിൽ പങ്കുവച്ചത്.

'സൗദി വെൽകം ടു അറേബ്യ' യെ അവതരിപ്പിക്കുന്ന മറ്റൊരു ആഗോള മാർക്കറ്റിങ് ക്യാംപെ്യിൻ ആരംഭിക്കുന്നതിന്‍റെ ഭാഗമായാണിത്. യൂറോപ്, ഇന്ത്യ, ചൈന എന്നിവിടങ്ങളിൽ നിന്നുള്ള വിനോദ സഞ്ചാരികളെ പ്രധാനമായും ലക്ഷ്യമിടുന്ന ക്യാംപെയ്ൻ “നിങ്ങൾ ചിന്തിക്കുന്നതിനപ്പുറം പോകുക” എന്ന പേരിലാണ് അവതരിപ്പിച്ചത്.

സൗദിയെക്കുറിച്ച് പൊതുവായ തെറ്റിധാരണകൾ ഇപ്പോഴും ഉണ്ടെന്ന് വെളിപ്പെടുത്തുകയും അവിശ്വസനീയവും ഊർജസ്വലവുമായ സാംസ്കാരിക പരിവർത്തനം അനുഭവിക്കാൻ ആളുകളെ ക്ഷണിക്കുകയും ചെയ്യുന്നതാണ് പരസ്യം. കേവലം ഒരു മരുഭൂമി, ആഘോഷങ്ങളൊന്നും നടക്കുന്നില്ല, അടച്ചിട്ട സംസ്കാരം തുടങ്ങിയ മതിൽക്കെട്ടുകളെ തന്‍റെ മാസ്മരിക കാലുകളിൽ നിന്ന് തൊടുത്തുവിടുന്ന ബൗൾ ചാട്ടുളി പോലെ പായിച്ച് മെസ്സി തകർത്തെറിയുന്നതാണ് ചിത്രീകരിച്ചിട്ടുള്ളത്. ഒടുവിൽ പെൺകുട്ടികൾക്ക് ഒന്നും സാധിക്കില്ല എന്ന മതിൽക്കെട്ട് പൊളിച്ചടക്കുന്നത് ഒരു സൗദി പെൺകുട്ടി തന്നെയും.