Merchant's First Sunday at the Axe

കോടാലി: കേരള വ്യാപാരി വ്യവസായി ഏകോപന സമിതി കോടാലി യൂനിറ്റിന്റെ നേതൃത്വത്തില്‍ വ്യാപാരി ഫെസ്റ്റ് എന്ന പേരില്‍ ഞായറാഴ്ച കുടുംബമേള സംഘടിപ്പിക്കും. കോടാലി എസ്എന്‍ സ്‌കൂളില്‍ രാവിലെ 9.30 ന് യൂണിറ്റ് പ്രസിഡന്‍ര് പി.ജി. രഞ്ജി മോന്‍ പതാക ഉയര്‍ത്തുന്നതോടെ വ്യാപാരി ഫെസ്റ്റിന് തുടക്കമാകും. തുടര്‍ന്ന് കായികമല്‍സരങ്ങള്‍ വെള്ളിക്കുളങ്ങര എസ്.എച്ച്.ഒ കെ. കൃഷ്ണന്‍ ഉദ്ഘാടനം ചെയ്യും. യൂത്ത് വിംഗ് യൂണിറ്റ് പ്രസിഡന്‍ര് ് ടൈറ്റസ് കട്ടക്കയം അധ്യക്ഷത വഹിക്കും. വൈകുന്നേരം അഞ്ചിന് ് നടക്കുന്ന പൊതുസമ്മേളനം വ്യാപാരി വ്യവസായി ഏകോപന സമിതി ജില്ല പ്രസിഡന്റ് കെ.വി അബ്ദുള്‍ ഹമീദ് ഉദ്ഘാടനം ചെയ്യും. യൂണിറ്റ് പ്രസിഡന്റ് ് പി.ജി. രഞ്ജിമോന്‍ അധ്യക്ഷത വഹിക്കും. ജില്ല ജനറല്‍ സെക്രട്ടറി എന്‍.ആര്‍. വിനോദ് കുമാര്‍ , ജില്ല ട്രഷറര്‍ ജോയ് മൂത്തേടന്‍ തുടങ്ങിയവര്‍ പങ്കെടുക്കും. ഭദ്രം സഹായ നിധി വിതരണം,ഗിഫ്റ്റ് കൂപ്പന്‍ നറുക്കെടുപ്പ്, ലോഗോ പ്രകാശനം എന്നിവയും ചടങ്ങില്‍ ഉണ്ടാകും. തുടര്‍ന്ന് കലാപരിപാടികള്‍, സ്‌നേഹവിരുന്ന് എന്നിവയും ഉണ്ടാകും. വ്യാപാരി ഫെസ്റ്റ് നടക്കുന്നതിനാല്‍ യൂനിറ്റിനു കീഴിലെ വ്യാപാരസ്ഥാപനങ്ങള്‍ ഞായറാഴ്ച മുടക്കമായിരിക്കുമെന്ന് യൂണിറ്റ് പ്രസിഡന്റ് പി.ജി.രഞ്ജിമോന്‍, ജനറല്‍ സെക്രട്ടറി ടി.എ.ഉമേഷ്ബാബു,ട്രഷറര്‍ പി.എച്ച്.സാബു, ജനറല്‍ കണ്‍വീനര്‍ ബൈജു പള്ളിപ്പാടന്‍, വി.എം.ഷാജഹാന്‍ എന്നിവര്‍ അറിയിച്ചു.