കൊച്ചിയില്‍നിന്നുമുള്ള വിമാന യാത്രക്കിടെ മലയാളി മരണപ്പെട്ടു

26 Dec 2024 18:09 IST

Share News :

മസ്‌കറ്റ്: എറണാകുളം സ്വദേശി കൊച്ചിയില്‍നിന്നും ബഹ്‌റൈനിലേക്കുള്ള യാത്രക്കിടെ വിമാനത്തില്‍ മരണപ്പെട്ടു.

ആലുവ യു.സി കോളജിനടുത്ത് പരേതരായ മണ്ണില്‍ അബ്രഹാം തോമസിന്റെ മകൻ തോമസ് അബഹ്രാം മണ്ണില്‍ (74) ആണ് കൊച്ചിയില്‍നിന്നും ബഹ്‌റൈനിലേക്കുള്ള യാത്രക്കിടെ വിമാനത്തില്‍ മരണപ്പെട്ടത്.

ബഹ്‌റൈനിലുള്ള മകനും, ഒ.ഐ.സി.സി ബഹ്‌റൈന്‍ എറണാകുളം ജില്ലാ സെക്രട്ടറിയുമായ നിതീഷ് എബ്രഹാം സകറിയയുടെയും കുടുംബത്തിന്റെയും സമീപത്തേക്കുള്ള യാത്രയിലായിരുന്നു തോമസ് അബഹ്രാമും ഭാര്യ ലിജിനു അബ്രഹാമും.

മാതാവ്: കുഞ്ഞമ്മ തോമസ്. ഭാര്യ: ലിജിനു അബ്രഹാം. മക്കള്‍: നിതീഷ് എബ്രഹാം (ബഹ്‌റൈൻ), നിഷാന്ത് (കുവൈത്ത്), നിനീഷ് (യു.കെ).

ശാരീരീകാസ്വസ്ഥത അനുഭവപ്പെട്ടതിനെ തുടര്‍ന്ന് വിമാനം മസ്‌കറ്റില്‍ അടിയന്തരമായി ഇറക്കിയെങ്കിലും മരണം സംഭവിച്ചിരുന്നു. മസ്‌കത്ത് കിംസ് ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം ഒമാനിലെ മുതിര്‍ന്ന കോണ്‍ഗ്രസ് നേതാവ് സിദ്ദീഖ് ഹസന്റെയും ഇന്‍കാസ്- ഒ ഐ സി സി പ്രവര്‍ത്തകരുടെയും നേതൃത്വത്തില്‍ നടപടികള്‍ പൂർത്തിയാക്കി നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു.

⭕⭕⭕⭕⭕⭕⭕⭕⭕

ഗൾഫ് വാർത്തകൾക്കായി https://enlightmedia.in/news/category/gulf & https://www.facebook.com/MalayalamVarthakalNews?mibextid=kFxxJD

ഗൾഫ് വാർത്തകളും, ജോലി ഒഴിവുകളും അറിയുന്നതിനായി വാട്സ്ആപ് ഗ്രൂപ്പിൽ ജോയിൻ ചെയ്യുക https://chat.whatsapp.com/L0A5fecOrEXEg27R3RFc1a

⭕⭕⭕⭕⭕⭕⭕⭕⭕

For: News & Advertisements: +968 95210987 / enlightmediaoman@gmail.com

⭕⭕⭕⭕⭕⭕⭕⭕⭕